冇發囍帖畀黎明
樂基兒8.27加州行禮
即將再度成為新娘的樂基兒（Gaile），昨日和馬詩慧（Janet）、王曼喜（Kayla）、鄭希怡、楊張新悅等，到銅鑼灣出席護膚品牌CLARINS活動，透露婚期定於下月27日（美國時間），行禮地點是美國加州。跟拍拖兩年、從事網上有機食物生意的Ian Chu拉埋天窗的Gaile，談及婚禮詳情：「場地佈置、嘉賓已經準備好，但我嘅裙、打扮、珠寶、鞋、化妝就未決定，呢分鐘仲未好緊張，可能返到美國就會，我都係啱啱返香港，之前自己去咗泰國做瑜伽一個月，心境好平靜。」
下月到美國結婚的樂基兒，昨日全程笑容滿面，心情勁靚。
樂基兒早前和男友Ian甜蜜慶生。
樂基兒稱與前夫黎明（圖）各有各忙，甚少聯絡。
只請小學同學
前夫黎明有否發短訊祝賀？Gaile說：「冇，好少聯絡，大家各有各忙，我唔知佢知唔知。」問到有否發囍帖給黎明？她決絕說：「我連好多香港朋友都唔請喎！只請咗小學同學。香港朋友同model都冇請，因為主要for family，大約50人。」而婚後定居香港的Gaile解釋選擇加州舉行婚禮的原因：「屋企人喺美國，而且8月天氣好，唔似香港又熱、又打風、又落雨。」
鄭希怡透露剛和囡囡老公一家三口去完泰國旅行。
馬詩慧不反對囡囡王曼喜晒性感相。
Janet拒開家庭會
Janet兩位囡囡王曼喜和王麗嘉經常在社交網貼性感相，惹來爸爸王敏德的微言，更揚言要開家庭會議，對此Janet說：「細女返咗嚟，家庭會議嗰啲好容易解決，佢（王敏德）冇乜記性㗎，講完唔記得。其實我覺得冇問題，但作為爹哋係會緊張啲，咪佢自己去開囉！我唔開喇！費事我開嘅時候加把嘴佢都見咗細女嘅男朋友。」昨日是Kayla的24歲生日，她表示會和家人一起晚飯慶祝，亦收到父母送的禮物。她又談及早前在facebook設立一個有關同性戀的群組：「好多人加入，之前約過出嚟一次聚會，覺得好有凝聚力，我希望做好啲。」
採訪：黃曉妍
攝影：陳慧安
|
鍾意就快D Share啦！
|
|
|
