陳凱琳（右圖）話個幾月前就知喇！
藝人賴慰玲（Winki）突然在網上公布懷孕五個月，令很多網友感到驚喜並紛紛留言祝福。而陳凱琳（Grace）就因與Winki合作拍無綫劇《殭》而成為好友，對於Winki自爆懷孕，她直言之前已經知道：「個幾月前食晚飯講嘅，我哋係好朋友，佢一定會同我哋講。（當時冇嚇親？）咁又冇，仲好戥佢高興。（守秘密辛苦？）唔辛苦，都冇人知。同埋我都想爭做契媽，但要打畀佢同佢傾傾。（幾時到你生？）唔係依家」又指自己會好好為初生Baby準備禮物。
另外好友蔡思貝亦有喺社交網上載咗佢同Winki大騷長腿嘅舊相，以搞笑對話形式叫佢唔好再着咁短嘅褲去騷長腿添，因為做咗媽咪要小心冷親呀！
佢哋嘅溫馨對話如下：
「我：喂，恭喜你喎。生日快樂呀下（吓）。仲有順便恭喜你多一樣野（嘢），恭喜你做人媽媽
佢：哈哈，多謝你喎。
我：記住做人媽媽就要小心啲，唔好冷親，唔好再着咁短嘅褲去騷長腿喇，個肚大左（咗），係要買新衫新褲架（㗎）。
佢：得架（㗎）。啦，唔扣樓（鈕）着咪得囉。」
最後蔡思貝仲溫馨提示大家：「呢個人太慳家，請大家好好疼錫佢，係（喺）佢大肚期間，錫晒佢，寵壞佢。唔好俾（畀）佢強悍嘅外表呃到。賴慰玲，衷心戥你開心❤ 生日祝你繼續幸福，身體健康！恭喜你收到最正嘅生日禮物 - 你肚裏的小生命☺ 」
來源 source: http://hk.on.cc
|
鍾意就快D Share啦！
|
|
|