孫慧雪守咗呢個秘密好耐喇。
藝人賴慰玲（Winki）在社交網站宣布佗B五個月，好姊妹孫慧雪原來早已知情。雪雪曾與Winki合作劇集《純熟意外》，本身亦是好姊妹，雪雪結婚時更邀Winki擔任姊妹團。懷孕八個月的雪雪接受東網訪問，講到Winki喜訊，她興奮說：「嗰日打電話約我出去話『出到嚟先講』我已經估到！其實喺我有BB嘅頭幾個月，我同佢講叫佢快啲啦，佢同男友拍好耐拖，亦準備結婚，我就話『喂你依家開始（造人）』當時我大約四個月，到我八個月嗰陣佢已經差唔多五個月喇，好開心呀！好感動，仲要係好朋友一齊有咗，所以真係好開心，非常之咁恭喜佢。」雪雪更笑言會向好姊妹Winki分享媽媽知識：「將我學返嚟嘅全部傳授畀佢！」
另外，雪雪都有上載與賴慰玲的大肚相上社交網，睇相見到兩個大肚婆攤喺梳化度，賴慰玲手指指，而雪雪就摸住肚皮，一臉幸福！但係估唔到呢張合照引嚟賴慰玲「不滿」喎，佢即刻留言問雪雪：「點解你唔揀張好少少嘅相呢？人哋覺得會覺得好核突㗎啦」點知雪雪就將個責任推落蔡思貝度，佢留言回覆賴慰玲：「你問蔡思貝 @sisleychoi 點解影到咁！得呢張咋～算做得媽媽預咗走樣一排，習慣下（吓）」呢兩個準媽媽真係好搞笑呀！
來源 source: http://hk.on.cc
|
鍾意就快D Share啦！
|
|
|