網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月4日 星期二

張繼聰:倒模合照!杜德偉攬張繼聰仔仔重演當年 __,繼聰,杜德偉,張繼聰,

29年後,相中人好似「冇變過」咁,好神奇呀!!!一張相喺29年後再影過,相中人物「冇變過」嘅話,你話驚唔驚?講緊嘅就係依家55歲、2016年尾做咗爸爸 ...


29年後,相中人好似「冇變過」咁,好神奇呀!!!

一張相喺29年後再影過,相中人物「冇變過」嘅話,你話驚唔驚?

講緊嘅就係依家55歲、2016年尾做咗爸爸嘅杜德偉(Alex)!話說呢日阿聰就喺facebook上載咗張對比照,呢張相真係令人睇到個心離一離,一張係1988年Alex攬住當年應該只有7、8歲嘅阿聰,另一張就係2017年Alex攬住依家10歲大、張繼聰嘅仔仔張瞻,驟眼睇會驚訝點解個細路好似冇變過咁!相中嘅Alex真係Keep得好好,一樣嘅All Back頭、一樣嘅笑容、一樣嘅坐姿,網民都好震驚點解唔識老,唔同嘅應該係型咗又Man咗,張相好似倒模咁!

而另一亮點就係張繼聰同仔仔真係好似樣,張瞻似足當年老竇咁,餅印一樣!呢張對比照,真係令人睇到霎時感動!阿聰仲笑言下次叫Alex抱住佢再影張,佢留言:「1988…2017,好有價值嘅一張照片😍 Alex哥哥,點解你可以keep住咁有型?下次叫Alex抱住我再影番張先!」睇嚟要留名等睇合照喇!

挑戰同阿聰個孫影相

Alex接受東網訪問時,笑不停地說:「係咪好搞笑呢?尋晚阿公(蘇永康)個仔百日宴見到阿聰個仔,跟住就醒起呢張相(曾經同童星張繼聰嘅合照),我就捉住佢個仔,擺埋同一個甫士影番一張相,再send畀聰仔。」Alex又憶起跟童年張繼聰影合照的舊事:「嗰張(舊相)相係我同聰仔細個嘅時候影,佢嗰陣做一個電台嘅舞台劇,我就做船長,好搞笑,大約係1987、88年啦。」

問到Alex為何可長春不老,長期keep住型?Alex就話:「我真係唔知㗎喎,我都係正常咁樣,人哋點樣,我就點樣,係咁多咋喎,我諗係天生麗質。」問可有信心keep住靚樣再跟張繼聰個孫擺同一個甫士影合照,再現經典?Alex接受挑戰說:「好好,希望張瞻早日搵到老婆啦,快啲生仔,畀個機會我再同佢哋三代同堂,哈哈哈哈。」

Alex影響阿聰甚深

而阿聰接受東網訪問表示:「1988年嗰陣我同Alex喺紅館做音樂劇,嗰時仲有好多歌手、朋友,而我當時係小演員,因為嗰個演出,我同Alex哥哥有幾個月嘅綵排,佢係一個好好嘅大哥哥嚟嘅,好錫我哋班小朋友,而我哋又特別投契,所以之後佢會嚟探我,我生日會佢又會嚟。」而到阿聰長大後,他表示Alex影響他不少,他指:「十年後,到我18、9歲入行嗰時,佢喺台灣發展,有好多音樂又好又出色,影響到我鍾意R&B嘅音樂。之後做歌手,我喺酒廊唱歌都係唱佢啲歌。入咗行之後,我哋有相認,依家都有聯絡,我都好開心㗎!」

講到昨日阿聰因工作而無法參加蘇永康兒子百日宴,他說:「尋日因為要拍劇,所以我冇去到阿公個仔嘅百日宴,Alex就send咗呢張相畀我,感覺好得意,我仍然叫佢做Alex哥哥,佢仍然叫我做聰仔,因為當年我係8歲,佢係20幾歲嘅哥哥。當然我覺得佢好勁,佢係冇變過,呢張相都有錯覺,我都以為我冇變過,因為我同我個仔一樣樣,我都好期待再見到嘅時候同佢影多次,擺埋同一個甫士。」阿聰可會快快跟Alex個仔影張合照,將來又跟Alex個孫再影,以示自己同樣不會老,阿聰認輸說:「我肯定keep唔到。」


來源 source: http://hk.on.cc
鍾意就快D Share啦!