藝員王君馨（Grace）今日在美國補辦婚宴，她拖着老公見傳媒時，更不斷咀嘴！接受訪問，Grace即主動問傳媒：「我老公有冇同你講唔該、哈佬？」Grace又笑言老公不熟廣東話，已指導老公四式：「教咗老公四樣嘢，佢知有傳媒所以好緊張，我教咗佢哈佬、鞠躬、派利是、再講唔該就得覺得老公今日表現好好，好有笑容，啲朋友笑佢唔笑時就好似黑面，今日好好笑容、好開心。」
叫大家玩得盡興
問到心情怎樣？Grace說：「尋晚都緊張，好多嘢未安排好、處理好，今朝終於搞掂晒，有時間望吓老公。（婚禮有冇驚喜畀老公？）唱歌囉，一陣間行出嚟會唱首歌，佢完全唔知，之前都冇乜點練，因為喺屋企冇得練，呃佢係喺婚禮上播嘅，首歌叫《FROM THIS MOMENT》，之前喺嘉欣婚禮上都唱過，意思係指佢係我嘅一切，有佢我就ok、我愛佢。（怕整喊老公？）應該唔會，大家都唔易喊，之前係紐約都喊晒啦，如果佢喊會再加啲分！今晚係個跳舞party，希望大家盡興！」
老公放棄一切
Grace戴上兩隻閃爆婚戒現身，她說：「一隻婚戒、另一隻係訂婚戒，訂婚戒就大啲，特登設計到兩隻戒可以拼埋一齊。（粒石好大！）唔知價錢，問咗老公好多次都唔肯講！對我嚟講係無價嘅，冇諗幾錢。條鍊墜設計都好特別，係可以喺埋一齊嘅意思。（準備造人？）計劃都係兩三年後先，過吓二人世界。（老公嚟香港？）係呀，佢已經搵到工作，為咗我放棄晒一切！7月11日係我哋拍拖12周年紀念，特登揀今日，好有紀念價值！（搞婚禮有感動嘢？）日日對住老公我已經好感動，之前分隔兩地，大家睇住個mon，可以近距離接觸已經好滿足。（去度蜜月？）之前去咗南美，都有好多地方想去，會再去！」
來源 source: http://hk.on.cc
|
鍾意就快D Share啦！
|
|
|
