掃呢頁CODE去手機

2017年7月11日 星期二

【牙籤都有】周秀娜打開手袋 亂到咁... __,周秀娜,

估唔到女神個手袋係咁㗎!藝人周秀娜近日有份拍無綫劇集《宮心計2深宮計》,今次係娜娜首次拍古裝劇,所以娜娜都話事先畀唔少心機去預備。始終娜娜平時拍電影多 ...


估唔到女神個手袋係咁㗎!

藝人周秀娜近日有份拍無綫劇集《宮心計2深宮計》,今次係娜娜首次拍古裝劇,所以娜娜都話事先畀唔少心機去預備。始終娜娜平時拍電影多過電視劇,所以去橫店拍劇都做足準備。呢日無綫官方Facebook專頁《See See TVB》就同大家直擊娜娜個外景手袋究竟有啲乜!

拍劇時間咁長,第一時間娜娜就拎啲餅出嚟,之後又拎埋鏡同保濕噴霧出嚟執番自己個靚樣,望落娜娜個袋入面嘅物品都幾正常呀!喺呢個時候,戲肉嚟啦,竟然喺娜娜個袋搵到筷子,但好可惜只係得一隻,不如聽下娜娜嘅解釋:「因為劉心悠係玩雜耍嘅,袋定啲筷子,同佢培養吓啲感情。」

得一隻筷子唔出奇,再出奇都仲有!講緊係竟然有支用過嘅牙籤出現喺娜娜個袋入面,但娜娜否認係佢本人所用:「其實呢個唔係屬於我嘅,屬於一位好特別嘅人士。」但就冇講明究竟係邊個,搞到唔少網友都好想知道係邊個!而另一個亮點係娜娜個手袋竟然有一個檸檬,係一整個檸檬,平時EQ好高嘅娜娜話已經擺咗好耐,仲話已經係上一手,話個檸檬係用嚟「當你拍劇拍到咁上下用嚟Refresh」!唔少人都話估唔到娜娜個袋可以亂成咁,仲話睇唔出女神都有另一面添!

網民有話兒:

Nxxi Ho:個袋亂成咁?

xxow Cxxw Fatxxng:帶咁多嘢去開工?

Hoixxxn Pxxn:周秀娜噴面個下好正!

xxxxxck xxi:我都好想跟你去拍劇!


來源 source: http://hk.on.cc
鍾意就快D Share啦!