閃爆全世界。
一對新人陳柏宇（Jason）及符曉薇（Leanne）在九展舉行婚宴，婚宴開始時一對新人由兄弟姊妹團引領下進場，新郎及新娘先進行切餅及合巹交杯儀式，當然走唔甩被要求咀嘴，Jason抵死笑言：「如果我情深咀嘴會合埋雙眼，我怕我會瞓着，所以如果見我跌，記得扶實我。」當然Jason純粹講笑，當兩人咀嘴時，Jason不知幾咁投入，完全停不了的咀，反而老婆Leanne要拍他膊頭叫停。
而Jason和Leanne亦在台上多次感謝賓客來飲喜酒，Leanne又話自己籌備婚禮上好多事都唔係太識，Jason笑言：「唔識好正常喎，你都未結過。」至於7月2日除是兩人結婚日子亦係佢哋拍拖周年紀念，Leanne則踢爆老公Jason一直都唔記得拍拖紀念日，不過，Jason即擺出一副「愛妻相」說：「你話乜就乜」仲要加句：「多謝上帝畀我遇到你！」搞到老婆唔冧就奇啦。
Jason稱婚宴對佢嚟講係別具意義：「我嘅人生中，一直都想做到令周圍嘅人開心，好想用自己嘅感染力，令到身邊嘅人都走埋一齊，而我亦終於找到一個可以跟我有共同理念嘅Leanne。」而一對新人有別一般婚禮唔坐主家席，特別另設一張長枱給兩人「撐枱腳」享受燭光晚餐。
來源 source: http://hk.on.cc
|
鍾意就快D Share啦！
|
|
|
