擁34D豐滿上圍的袁嘉敏（Candy）多年來均以性感形象示人，今個書展她推出一本散文集，內有不少性感靚相，當中包括半祼晒胸靚相，與眾性感𡃁模一較高下！
手震震封萬元利是
32歲的Candy花了五個月時間去寫這本散文集，揚言不是想寫血淚史或爆料，只是想紀錄自己過去的一些經歷，談到入行多年的一些奇情經歷，她說：「我推咗無數嘅飯局，但都試過有一次，有一位圈中好有地位嘅前輩演員約我食飯，期間介紹咗兩位商人朋友畀我認識，食完飯之後，佢叫我去洗手間，我去完返埋位嘅時候，其中一位男士手震震咁畀封利是我。」
多一事不如少一事
問無端端畀利是可有感到奇怪？她說：「因為餐飯喺今年農曆年十四左右食，所以，我咪收咗兼同佢講番聲生意興隆，之後嗰位前輩藝人叫我打開封利是睇吓幾錢，我先知原來成萬蚊，之後個前輩就收咗我封利是。（個前輩演員男定女？）我唔想多講，因為我之後問過啲朋友，佢哋話個藝人前輩喺我未出世嘅時候已經拍緊戲做主角，大家會信佢定信我呢？所以，多一事不如少一事。」
被前度整蠱冇人追
除了畀前輩吞利是之外，袁嘉敏直言自己的情路，也不是一帆風順，前富二代男友Kenneth經常嫌棄她太平民，她謂：「之前拍拖佢會摸吓我件衫，睇吓咩質料，粗身的話，佢會話Cheap，始終大家背景好唔同，好難相處，所以之前話我同佢復合根本冇可能，同佢約會都講明唔可以錫，佢見我咁執着咪錫我、整蠱我，點知佢咁樣錫一錫，令到啲本身追緊我嘅人打退堂鼓，仲話我『大話精、扮單身』。仲有之前曾經傳Kenneth幫我交租，根本冇啲咁嘅事。」
出完書後不再性感
於在新書中，Candy有多個造型，當中包括內衣、半裸、泳裝等，這次是她自掏腰包花幾萬元置裝，為了減低尷尬感，特別找來女攝影師操刀，希望拍一些藝術感較重的相片，而今次推出新書之後，Candy直言不再性感，早前已推掉三部會有床上戲的電影，現在還有一部在手，正考慮是否接拍：「我拍咗八部戲，有五部都有性感床戲，我覺得已經好夠，所以，唔想再接，依家會做吓生意仔，等有好嘅又唔需要裸露嘅戲先會考慮接拍。」
|
鍾意就快D Share啦！
|
|
|
