掃呢頁CODE去手機

2017年8月20日 星期日

【獨家】11月升呢做人妻 陳嘉寶孖姊妹出街騷「光管腳」 __,陳嘉寶,

現年27歲嘅陳嘉寶(Anjaylia/Anjay)與半億富二代男友黃頌祈(Epaphras)感情向來穩定,由於佢哋都係虔誠基督徒,所以佢哋拍拖多年都保 ...


現年27歲嘅陳嘉寶(Anjaylia/Anjay)與半億富二代男友黃頌祈(Epaphras)感情向來穩定,由於佢哋都係虔誠基督徒,所以佢哋拍拖多年都保持有愛冇性嘅關係,但男友好進取,不時求婚,早前Anjay終於宣佈封盤,定於11月25日同Epaphras拉埋天窗。Anjay早前約埋好姊妹蔡穎恩(Evelyn)去銅鑼灣行街,當日下午四時許,Anjay先陪Evelyn去皇室堡一間健康飲品店買嘢飲,之後再去睇衫同買護膚品。佢哋先去GU,但Anjay似乎唔係咁啱睇,喺店內只顧睇手機,Evelyn亦行咗一圈就好快就離開。之後佢哋再入H&M,今次Evelyn好快就買到啱心水嘅手飾。Anjay穿上一條紅色嘅短褲,大騷白滑「光管腳」,似乎同平時放上網調過色嘅靚相都唔係差好遠,真係青春無敵。期間有一位年約6、7歲嘅小妹妹認出Anjay喺拍過「M-Club」嘅姐姐影相,因為Anjay曾經喺《女人俱樂部》飾演年輕版巫小詩,小妹妹同爸爸媽媽講話好想同姐姐影相,可惜最後都鼓唔起勇氣。之後Anjay同Evelyn轉去利園,又突然有一名女子上前搭訕近五分鐘,最後個女仔仲畀咗一張卡片佢哋,見Anjay同Evelyn個樣都有啲錯愕。Evelyn似真係好鍾意買嘢,再去咗SaSa買護膚品,Anjay就企咗係門口位置望吓啲化妝品,但最後都係冇收鑊。佢哋離開時發現記者,即時面色一沉,然後就匆匆離開咗。

(攝影﹕畢紹基) Anjaylia本身都皮膚白滑,真人同網上圖片都唔係相差太遠。(ig圖片) Anjay全程都冇乜心情睇衫,只顧住玩手機。
突然有一名女子向佢哋派卡片 今次Anjay似乎主力係陪姊妹Evelyn行街。
Anjay同Evelyn早前約埋陳瀅一齊出海。(ig圖片)

來源 source: http://s.nextmedia.com
鍾意就快D Share啦!