掃呢頁CODE去手機

2017年8月20日 星期日

【唔似55歲】網民情傾有型中佬 《同盟》易先生:感謝大家鍾意 __,《同盟》,

龍虎武師出身嘅55歲資深演員歐瑞偉,最近因為《同盟》嘅易先生一角,令到人氣又再急升!查實喺舊年佢喺《城寨英雄》飾演嘅終極BIGBOSS楊竹鑾,演得夠奸 ...


龍虎武師出身嘅55歲資深演員歐瑞偉,最近因為《同盟》嘅易先生一角,令到人氣又再急升!查實喺舊年佢喺《城寨英雄》飾演嘅終極BIG BOSS楊竹鑾,演得夠奸之餘,仲有因為有唔少爆衫嘅場面,搞到啲觀眾讚佢KEEP得好好!到咗今年年年初,歐瑞偉喺《與諜同謀》同「撈家」羅嘉良喺螢幕前合體,又有網民讚佢冇老過!(新聞連結:http://bit.ly/2ifTjME)唔經唔覺《同》播到第10集,呢套劇嘅聲勢可唔可以超越《城寨英雄》,暫時仲係未知數,仍然要擔凳仔坐低睇吓先知,不過除咗鮑姐之外,郭鋒、歐瑞偉、張國強同韓馬利呢幾個老戲骨,外間俾咗好高評價,好似前晚歐瑞偉同陳展鵬對打嗰場戲,一拳一腳夠狠勁,網民即刻喺討論區留言,有人覺得佢今次比楊老闆更加型,同鮑姐呢段主僕情,好有「護花傾情」feel,亦有人覺得TVB應該頒個獎俾歐瑞偉,絕對係一個實力派演員。監製Jazz亦喺fb讚歐瑞偉,佢話:「對歐瑞偉發出嚴重警告」昨晚一集播出後收到很多好評,而其中最熱烈的評語是形容瑞偉型到爆裂,直情係港版007。據非正式統計,HKDiscuss 給你大量好評、高登仔為你奉上拜服gif圖、Baby kingdom師奶連環開post獻上心心眼gif圖。在此我好開心咁警告瑞偉,小心出街會遇到粉絲連環索吻。(p.s. 我打算cut你戲,因為連我老婆都心心眼,妒忌中!」歐瑞偉好鬼馬留言,佢話:「放心我除咗返工、我都會留喺屋企唔出街睇《同盟》!」韓馬利讚完歐瑞偉型到痺之後,佢亦留言問:「點解佢咁搏命保護令小姐?」歐瑞偉就回覆話係有啲嘢,Jazz即刻叫佢哋唔好爆劇情出嚟,不過聽講歐瑞偉同鮑姐呢啲「護花傾情」線喺20集之後好有追看性,唔知可唔可以推到啲獎項呢?對於網民嘅留言,歐瑞偉今日回覆傳媒話:「好開心,多謝大家鍾意呢場戲,真係要多謝監製同埋編審武術指導郭師傅!」講到睇好攞獎,佢話:「其實大家鍾意就已經夠喇,我自己冇諗過攞獎,我希望會努力拍多啲好戲!」

(網上cap圖) 歐瑞偉好輕易就搞掂陳展鵬!(網上cap圖) (網上cap圖)
鮑姐同歐瑞偉台灣嘅戲份,唔知會唔會成為一個追看點?(網上cap圖) 楊竹鑾呢個角色,多咗人留意歐瑞偉!(網上cap圖) (網上cap圖)
有網民覺得應該俾個獎歐瑞偉!(網上cap圖) 韓馬利同歐瑞偉嘅對話好搞笑!(網上cap圖) (網上cap圖)
(網上cap圖)

來源 source: http://s.nextmedia.com
鍾意就快D Share啦!