見住男友陸漢洋攞獎，苟芸慧都超開心呀！
藝人苟芸慧（苟姑娘）早前成為由其男友陸漢洋成立的車隊「一颷賽車」的車隊大使，日前她以大使身份隨男友及車隊參加馬來西亞舉行的「亞洲勒芒衝刺盃」，並見證陸漢洋成為該盃賽的年度總冠軍，亦是首位華人奪得此殊榮。
愛的抱抱
苟姑娘見到車隊奪魁一刻，不禁興奮大叫「great job」，而當陸漢洋衝線回來後，苟姑娘即時上前恭賀男友，兼開心得與對方來個愛的抱抱，她坦言：「車隊成立咗咁短時間已經得到呢個成績，作為車隊嘅一份子真係覺得好驕傲。大家都好努力好努力先能夠做到，之後車隊一定會再挑戰更高級別嘅比賽。祝福車隊成為長勝將軍，為港人爭光。」
開心為港爭光
陸漢洋也不諱言是次總冠軍意義重大，因為他是首位華人踏上這個頒獎台的最高位置，他表示：「呢個冠軍得來不易，全靠大家嘅努力先有呢個成績。最開心係不單止車隊做出咗不可能嘅任務，而係自己以香港車手身份攞獎。好多人覺得香港車手不足為道，今次感覺真係為港爭光。」他謂之後會繼續為10月份開始的「亞洲勒芒糸列賽」作準備，希望再獲佳績。
一人迎戰
其實比賽期間曾發生小意外，陸漢洋和拍檔Scott Andrews在最終回首日比賽中表現穩定，怎料翌日Scott突然病倒未能出賽，陸漢洋只能一人迎戰，在車廂內溫度超過40度，對體力來說是個重大挑戰，而苟姑娘知道男友要最後一場賽事獨自出戰後十分擔心，最後見到對方成功奪冠軍，她才放下心頭大石。
來源 source: http://hk.on.cc
|
鍾意就快D Share啦！
|
|
|
