掃呢頁CODE去手機

2017年8月24日 星期四

趙海珠想囝囝 有個快樂童年 [壹週刊 - 1433] __,趙海珠,M1,

在趙海珠的陪同下,Hayden喺波波池玩得格外興奮。名人求學趙海珠想囝囝 有個快樂童年一早有定案前TVB新聞主播趙海珠自囝囝Hayden(陳彥熹)出世 ...


在趙海珠的陪同下, Hayden喺波波池玩得格外興奮。

名人求學

趙海珠想囝囝 有個快樂童年

一早有定案

前 TVB新聞主播趙海珠自囝囝 Hayden(陳彥熹)出世後,便成為全職媽咪,當 Hayden踏入適學年齡,趙海珠回望自己由幼稚園到大學的 local school生涯,都是為考試而讀書,會考、 A Level全部都是死背爛讀,點知去到讀 MBA(工商管理碩士),在日本做交換生期間,才發現自己比外國的同學膽小及怕醜、欠缺主動,為了囝囝着想,她與接受外國教育的老公陳昊言商量後,決定幫 Hayden報讀國際學校,至於母語(中文)可能比同齡的小朋友差,趙海珠一啲都無擔心過。「英文好緊要,係一個國際語言,一定要識同希望佢講得流利,至於中文呢,好膽粗粗覺得自己 OK,我可以教佢。」趙海珠說。

有利有弊

國際學校自由度較大,規矩亦較傳統的學校少得多,同媽咪前來接受訪問的四歲半 Hayden,不見得特別調皮,來到細路最愛的波波池,趙海珠一句「你要等埋媽咪先可以去(波波池)玩」, Hayden聽足吩咐,只敢心心眼望實,不敢輕舉妄動。

一年的返學生活告一段落,趙海珠最開心囝囝愛返學,待人接物上亦有明顯的改善。「個暑假放咗一半都無,佢( Hayden)已經成日問『媽咪幾時開學?』,比起未返學前佢無咁怕醜,禮貌各樣都好咗!」趙海珠說。

小朋友愛返學、肯主動學習的確令父母感到欣慰,但趙海珠亦坦言國際學校也有它不足的地方,尤其是學術上,與同齡傳統學校的有明顯差別,家長要作出取捨,「佢有普通話堂,但係佢嘅比重唔係好多,認字同埋寫字方面,實在係慢過本地學校好多!我諗好多本地學校嘅 K1已經係要揸筆寫字,但係佢哋呢暫時都淨係玩,你唔好講中文, A至 Z可能佢依家只係認到啲,講完全無問題,讀同寫可能會爭啲。」趙海珠說。

趙海珠的老公陳昊言自細移民外國,接受活動教學,兩人口徑一致希望 Hayden可以在玩樂中學習。

Hayden訓練有素,趙海珠 say yes先敢走落波波池玩。

4歲半的 Hayden屬慢熱一族,陪玩近廿分鐘才敢講出自己愛揸電單車。

接受訪問期間, Hayden不時黐實趙海珠。

趙海珠指 Hayden是聽教的小朋友,只是玩得興奮時未能控制手腳力度,要多加提點。

Hayden的課外活動不多,其中一項便是跟趙海珠的朋友學功夫。

趙海珠自言在學業上不是虎媽,反而對小朋友的生活細節有較多的要求。

妹妹只有一歲大,年紀太細未能同 Hayden玩得埋。

國際學校 VS本地學校

不少家長都認為港式教育有缺陷,為了逃避香港的填鴨式教育,都會送子女入讀國際學校,但國際學校學費相對較貴,而且英文為主的教育,令小朋友極少接觸中文。

攝影、攝錄:黃志明、蕭敬漁

化妝、髮型:王穎、 Suki@Makeup Workshop

場地提供:北角 Play House


鍾意就快D Share啦!