今年50歲嘅鄒兆龍，又名倪星，出生喺台灣高雄市嘅佢，5歲已經開始習武，1979年以替身演員身份開始電影生涯，20歲時嚟香港發展，拜洪金寶為師，成為洪家班成員之一。
戲中專飾演壞人嘅佢，喺周星馳《九品芝麻官》中做常威一角，奸狠狼樣深入民心。
喺戲中做慣壞人嘅鄒兆龍，同89年當選最上鏡小姐嘅翁為德，由92年開始拍拖。有6呎身高嘅翁為德，失意幕前，後轉職做model。二人地下情到96年浮面 。1999年，翁為德同鄒兆龍喺洛杉磯註冊結婚並定居美國，03年翁為德為鄒兆龍生咗對孖仔，到08年以40歲高齡再生咗個女。
鄒兆龍不時喺微博同fb都有貼一家五口嘅相，又會抽時間陪孖仔、囡囡出街，喺今年父親節，更貼咗孖仔昔日BB嘅照片。外界都以「好爸爸」、「好老公」稱呼佢。
日前，鄒兆龍喺微博再update自己近況，更貼咗張放咗一份疑似係荷李活《逃亡大計3》劇本嘅照片，留言話：「不好意思，不接！好莱塢(荷李活)電影不一定要像乞丐要飯什麼都吃！」估計係鄒兆龍拒接該套電影。
來源 source: http://hk.apple.nextmedia.com
|
鍾意就快D Share啦！
|
|
|