劉穎敏被Foul淡定張寶欣喊到扯蝦
【陳永峯台灣直擊】港姐今日進行最後一天台灣外景拍攝，昨日無綫安排「Mall姐」宣萱於台灣主持佳麗被Foul大會，認真刺激又殘忍！最終22歲佳麗劉穎敏（Angela）被Foul，不過宣布時她表現淡定，反而要安慰喊到「扯晒蝦」的李清心及張寶欣等！
《2017香港小姐競選》候選佳麗今日進行最後一日外景拍攝，昨日宣萱（Mall姐）主持淘汰大會，即場Foul一位佳麗，無綫更將此過程安排在big big channel獨家直播！宣布前，12位佳麗齊齊站於泳池邊如學生般聽Mall姐訓示，叫她們之後一定要更加努力。期間Mall姐讀出8位佳麗名字，叫她們逐一說出缺點及改善之處，8女以為有機會被Foul，即表現得戰戰兢兢。之後宣萱才讀出4個有機會被Foul的佳麗名字，包括張寶欣（Boanne）、劉穎敏（Angela）、李清心及伍樂怡，但Mall姐讀錯Boanne為何依婷（Regina），令原本嚴肅的她連聲說Sorry。
黃凱琪攬實瞓覺
結果不幸被Foul的佳麗是Angela，自稱事前作了最壞打算的她表現淡定，反而其他佳麗如Boanne、雷莊（兒）、李清心及邱晴就非常激動，圍着Angela痛哭，直播中更聽到她們喊到「扯蝦」！與Angela同房的黃凱琪（Suki）表示晚上要攬實對方瞓覺，認真好感情。Angela更反過來安慰她們：「我已經好開心，唔好喊！我OK呀！好開心可以嚟到呢度。」又表示可以返港陪父母，自爆參選過程瘦了10磅，返港後會增肥，眾佳麗亦表示要請她食薯條。
Angela接受訪問時稱心情平復得很快，參加港姐已完成夢想，能夠走到此階段已很滿足：「冇唔開心，我都唔知自己識做戲，又學識跳舞，參加完台北之旅好滿足。」對於網民讚她充滿正能量、有大將之風，她坦言感動到眼濕濕。問到之後有何打算？她稱：「要睇TVB點，選唔到都可能有其他機會。（如果冇呢？）咁我或者會返英國學一啲嘢教小朋友。」Angela昨晚再接受訪問，自覺不足之處是太平均及廣東話不好，沒有一方面特別突出。她說：「我約晒佢哋，選完一齊去食薯條、炸雞，平時唔可以食嘅都食晒佢！」
透Bra搶鏡
另外，昨日一眾佳麗到餐廳拍攝，穿透視裙透Bra的Boanne指首次接觸跳舞，訓練後感到很激動。向來淚腺發達的她被問是否又喊時，她以笑回應。而Suki自言不懂撒嬌，心直口快說話沒有尾音：「有時自己講嘢好嗲都會問自己做緊乜。（男友鍾唔鍾意你撒嬌？）咁真係要問佢，有時都會撒吓嬌，不過諗起都打冷震。」
攝：鄭家俊
|
鍾意就快D Share啦！
|
|
|