【千金小姐冇架子】《真情》做馬清儀孻女 「津津」梁珮盈：佢當我女咁錫 __,馬清儀,梁珮盈,

馬清儀在長壽劇《真情》中，飾演拋夫棄子的爛賭女人，劇中飾演馬清儀孻女(津津)的梁珮盈，今日接受《蘋果》訪問，對於馬清儀離世，感到震驚和難過。她在電話中 ...

馬清儀在長壽劇《真情》中，飾演拋夫棄子的爛賭女人，劇中飾演馬清儀孻女(津津)的梁珮盈，今日接受《蘋果》訪問，對於馬清儀離世，感到震驚和難過。她在電話中表示：「其實半年前喺銅鑼灣Sogo一間運動舖見到清儀姐，仲同佢傾咗幾句，當時完全唔覺有異樣，同以前一樣依然好靚，所以今日睇到消息，覺得好難過。」

回憶拍《真情》時，梁珮盈坦言馬清儀很照顧後輩，更將她當女看待。梁珮盈說：「清儀姐對後輩好nice好照顧，亦唔會因為係千金小姐而有架子。可能因為我係新人，佢真係當我女咁錫，每次入廠拍劇，佢都會預先叫工人切定盒生果俾我。喺劇入面，我同清儀姐成日諗計點呃安仔(劉愷威)錢同感情，佢完全摸到個角色點做，好多時都帶到我入戲。」

梁珮盈指清儀姐給自己印象最深是對方好注重儀容，無時無刻都會照鏡，又會自備手動電髮卷來捲頭髮，是完美主義者。梁珮盈說：「有時見我頭髮唔整齊，佢仲會幫我整。之後我去美國三藩市讀書，清儀姐就畀咗佢當地朋友電話我，叫我有咩事可以搵佢哋，佢真係一個好照顧人嘅前輩。」

	津津梁珮盈指馬清儀很照顧後輩。	《真情》中，津津兩母女經常度計呃安仔。
劉愷威和梁珮盈		馬清儀對自己儀容一絲不苟。

來源 source: http://hk.apple.nextmedia.com

鍾意就快D Share啦！

下一篇 》