掃呢頁CODE去手機

2017年9月30日 星期六

【稱唯一對唔住陳自瑤嘅係…】活動結束即返歸 王浩信堅稱仲一齊住 __,王浩信,陳自瑤,

【新增內容】今日本報報道稱王浩信私底下仍然喜愛夜蒲,經常同幾個人夫一齊行事,其中有兩人仲係「鐵腳」,號稱「三劍俠」,據知有人夫仲係電視台員工嘅另一半, ...


【新增內容】

今日本報報道稱王浩信私底下仍然喜愛夜蒲,經常同幾個人夫一齊行事,其中有兩人仲係「鐵腳」,號稱「三劍俠」,據知有人夫仲係電視台員工嘅另一半,而且呢啲已經係公開嘅秘密。(新聞連結: http://bit.ly/2x4vvCE )

王浩信中午出席活動時,對於「三劍俠」傳聞,他稱:「我依家冇朋友㗎喇,時間都花喺個女身上,同太太依家最重要係幫個女搵小學。我啲朋友都知道。」

至於有報道指同太太陳自瑤就生BB未達成共識,王浩信就稱:「其實我真係鍾意小朋友嘅,但真係唔係一件小嘅事,希望唔好為任何人帶來壓力,大家都忙緊,都唔係啱嘅時候(生BB)。」

問王浩信點解成日都有呢啲傳聞?他稱:「我哋係少放合照,亦都少一齊出席公開活動,可能見到啲字眼就去揣測啦。我唔係一個鍾意攞屋企嘢嚟分享嗰啲人。我哋完全冇問題。」

咁陳自瑤稍後會否現身澄清?王浩信表示佢今次講完之後唔會再回應,而且太太都忙於做嘢。傳媒再問兩人關係是否全靠女兒維繫?王浩信即稱:「梗係唔係目前要俾囡囡更好嘅成長同學習環境。」

傳媒再問王浩信是否曾做過對唔住太太嘅事?他斬釘截鐵謂:「完全冇,唯一只係冇時間喺屋企陪佢,因為要工作。」對於有報道指兩人已分居?王浩信稱:「真係冇搬走,有錢搬走都買咗樓先啦。」又說:「今次出嚟交代真係好認真㗎,希望大家俾啲空間我,唔好再搞我哋喇!」

喺活動結束之後下晝四點左右,王浩信登上一部七人車,直接返咗去位於將軍澳日出康城嘅寓所,似乎佢都好心急想花多啲時間陪下家人。

(攝影:仇志德) 王浩信中午出席活動時,對於「三劍俠」傳聞,他稱:「我依家冇朋友㗎喇。」 至於有報道指同太太陳自瑤就生BB未達成共識,王浩信就稱:「其實我真係鍾意小朋友嘅,但真係唔係一件小嘅事。」
咁陳自瑤稍後會否現身澄清?王浩信表示佢今次講完之後唔會再回應。 對於有報道指兩人已分居?王浩信稱:「真係冇搬走,有錢搬走都買咗樓先啦。」 又說:「今次出嚟交代真係好認真㗎,希望大家俾啲空間我,唔好再搞我哋喇!」

鍾意就快D Share啦!