2017年9月30日 星期六

【稱冇分居】同蔡思貝「開房」?王浩信:點會咁做呀依家?冇理由咁傷害我自己! __,蔡思貝,王浩信,

王浩信今日出席活動時,接受傳媒訪問期間,甫埋位就話:「不如等我講先。」王浩信續道:「真係勁無奈,因為好多朋友問我。其實上次都有同類嘅新聞發生咗,我都回 ...


王浩信今日出席活動時,接受傳媒訪問期間,甫埋位就話:「不如等我講先。」

王浩信續道:「真係勁無奈,因為好多朋友問我。其實上次都有同類嘅新聞發生咗,我都回應咗,我同太太冇分居,一啲事都冇,鄰居都知道。我只係希望大家俾啲空間我哋,唔好再影響我小朋友,我哋完全冇事。今次講完就唔再講。」

至於同蔡思貝被爆book房鎖埋門打邊爐事件,王浩信都係形容為「真係勁無奈」,「因為《踩過界》嗰邊都係成班人約出嚟,同埋監製、成班演員一齊睇成果,係正常事,希望唔好將我哋一番心血蒙上呢啲污點。」

「我同幾位(指劇中女角,包括蔡思貝等人)都係好拍檔,唔好傷害到其他人。」咁同蔡思貝可有如爆料者所指、Book VIP房兩人共處一室閂埋門打邊爐?王浩信稱;「梗係冇啦大佬!點會咁做呀依家?冇理由咁傷害我自己,完全冇啲咁嘅事。去VIP房都係同屋企人。」

問到太太陳自瑤可有為此傳聞不開心?王浩信話:「尷尬囉,都怕身邊人擔心。都明白傳媒同artist係好朋友關係。」

至於與人夫組三劍俠獵女之傳聞,王浩信係話:「我依家都冇朋友啦,啲時間都擺晒喺個女身上,同太太依家最緊要為幫個女搵間小學。」


鍾意就快D Share啦!