睇嚟兩人打風都打唔甩。
藝人湯洛雯（靚湯）與黎諾懿以劇集「夫妻檔」姿態出席商場活動，諾懿不諱言要養囝囝「小春雞」，並揚言希望類似的搵錢活動陸續有來。
否認同居
談到靚湯與緋聞男友羅天宇被拍到於紅磡同居，對此她否認：「好好笑，嗰度係我屋企。嗰日佢接我去食嘢，佢都冇上過嚟。（你哋拍咗4年拖？）係了解咗好耐，發展緊。」提到羅天宇被指「食女王」，她謂：「我要幫佢平反吓！話佢『食女王』，其實佢係好專一嘅男仔，所以唔好再話佢喇！（羅天宇唔開心？）又唔會，都慣咗！但我覺得佢好無辜。」
已過父母關
問到有否搶心此舉影響父母對羅天宇印象？靚湯滿有信心謂：「好朋友唔會睇啲新聞會覺得佢係咁嘅人，經過相處覺得佢幾好，父母都見過佢，係因為一班朋友食飯撞到，唔係咩見家長。有打招呼，父母覺得佢幾乖仔同靚仔。（中秋節會唔會約埋一齊？）我唔使開工，但未有好多計劃，佢冇約我。」在旁的諾懿聞言即抵死謂：「我叫佢約你喇！」更一副父親口吻謂：「後生仔大個咗就管唔到，你快啲生個添呀！（你唔追多個？）等佢結婚先」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
