歌手江若琳（Elanne）假九展舉行的《我只不過是江若琳演唱會》來到尾場，獲吳若希（Jinny）與男友Alex、王灝兒（JW）與男友Tarzan、張紋嘉（Crystal）、王宗堯及何遠東等到場支持。唱到《Show You》時，着上開胸連身褲的Elanne邀請了好友鍾舒漫、Jinny及Crystal上台，一起拿着搖鼓跳舞，之後她先行落台換衫。講到她前幾年一直在不同地方工作打拚，Elanne說：「啲人成日話『劇組飯好難食，凍冰冰』，但我覺得好好食，因為你知道你有工開。」而今場Elanne再次與男友蕭潤邦（Oscar）浪漫共舞，兩人擺出ending pose後抱抱，Oscar更錫了她的額頭一啖大晒恩愛。
Encore環節，Elanne請出嘉賓周慧敏（Vivian）合唱《孤單的心痛》，她稱對方為周慧敏姐姐及女神兼抱抱。Vivian就表示很開心能分享Elanne入行十周年的快樂，又指對方識唱她每一首歌：「佢邀請我做嘉賓嘅時候，話我唱乜都得，佢全部都識。」Elanne笑說：「咁講對你唔住，但我細細個就聽你啲歌，2007年開始我每次都揀你嘅歌唱。」又大讚對方是其生命中的天使，當她有很多負面新聞及全世界都誤解她的時候，Vivian卻託司機向她打氣：「佢託個司機同我講『加油，我信你』，當全世界都指責我嘅時候，我偶像話信我，畀好大力量我，我好多謝佢！」Vivian就指兩人都是在流言中長大，但時間會證明一切，又指會繼續支持她音樂上及戲劇上的作品。期間Elanne搞笑謂要向女神Vivian抽水，又坐在櫈上做fans聽對方唱歌。Vivian獨唱完《咖啡在等一個人》後，突然向Elanne催婚：「下次你再有重要嘅日子，我可唔可以再嚟同你分享呢？啲人好想你做『生煎包王子妃』，但最緊要你幸福快樂！」她臨落台前，更對Elanne表示大家都會守護着她。完場時，觀眾仍然不願離去大叫Encore，Elanne再次出場，唱出《原來我還愛着你》為個唱劃上圓滿句號。
|
鍾意就快D Share啦！
|
|
|