掃呢頁CODE去手機

2017年10月19日 星期四

發哥超型示範 著人字拖要凸踭 [壹週刊 - 1441] __,發哥,周潤發,M1,

發哥全身黑色打扮,襯埋對細一個碼黑色人字拖,唔麻甩之餘仲幾型,行路嘅時候腳趾公仲豎起,好似連腳趾公都好有戲。同你吟一吟發哥超型示範 著人字拖要凸踭秋季 ...






發哥全身黑色打扮,襯埋對細一個碼黑色人字拖,唔麻甩之餘仲幾型,行路嘅時候腳趾公仲豎起,好似連腳趾公都好有戲。

同你吟一吟

發哥超型示範 著人字拖要凸踭

秋季嘅 fashion興啲乜,就梗係跟發哥著人字拖啦。呢日發哥又落去九龍城,不過就唔係去街市買餸,而係去咗行雜貨鋪,睇吓佢全身黑帽、黑衫加黑褲嘅打扮,都流露住一股濃厚嘅星味,但最精髓就梗係發哥腳上嗰對黑色人字拖, size仲要係細一個碼,要凸出少少腳踭,行起路上嚟腳趾公仲要向上豎起,真係有型到呢?

唔知邊度先買到?唔緊要,發哥仲帶埋《壹》仔去睇佢點買人字拖,人字拖最忌著幾次就爛,所以發哥會將對拖鞋攞上手屈幾下,睇吓佢夠唔夠彈性,經過發哥驗過,呢款鞋就梗係冇問題啦,盛惠六十蚊啫,八珍都要快啲去入番幾對先得。





人字拖襟唔襟著,就好睇對鞋夠唔夠彈性,所以發哥要攞上手屈兩下,測試吓對鞋彈性。





發哥真係超貼地,堂堂一個國際巨星,自己一個去行雜貨鋪。





發哥每次出巡,例行公事就係會同人不停 selfie,除了大人細路哥,連老外都好識貨,搵發哥影相。

撰文:八珍

攝影、攝錄:李溢敏、森美、陳亦龍


鍾意就快D Share啦!