謝賢（四哥）最近拍攝大陸真人騷《寶貝的新朋友》，首集片段喺網上曝光，年屆81歲嘅四哥自揭獨居老人生活，原來四哥喺屋企冇嘢做就睇霆鋒嘅童年相，又試過煮飯時忘記熄火，幾乎火燒屋！
節目喺四哥獨居嘅逾千呎豪宅拍攝，從片段所見，着起圍裙喺四哥喺廚房煎扒，工作人員提醒冇開抽油煙機，四哥即刻開番抽油煙機，仲驚爆試過忘記熄火：「因為我呢，常常沒有人的，就是我一個人，我煮東西的時候，突然有人找我，我就出去了幾個小時，全部都是煙，下面那個職員打電話給我，你家裏着火了，嚇得我馬上就回來，幸虧我在香港。」
工作人員問呢種情況經常發生嗎？四哥大笑：「不好意思！我發生過三次，所以給我兒子駡得我頭破血流，我就叫我那個司機寫『熄火』兩個字貼在門口，我一出去看到字條，就會回廚房看看有沒有火，所以現在比較安全一點。」問參加呢個節目有冇講畀子女知？四哥搞笑話：「沒有，因為我跟他們不是很熟。」
煎好扒之後，四哥一個人坐喺飯枱開餐，有啲傷感話：「有時候我是買一條魚回來蒸，我這人吃東西是很隨便，只要過得去、吃得飽，我就很滿意，我一個人就是這樣子吃了幾十年！」之後四哥打開電腦，睇吓霆鋒嘅童年相，感慨話：「沒有地方去，在家裏沒事做，我就看這個，因為我不看報紙，這個是霆鋒他出生的時候，這個是我送他去日本讀書，還有跟霆鋒一起去釣魚，現在沒有了，現在他要賺錢了。」
四哥還拿起一隻死咗嘅龜剩下嘅空殼，坦言將來作陪葬之用：「十幾年前，人家送了陪我，結果我出去拍戲，我回來牠死掉，所以我要留到跟我死的時候，把牠跟我一起陪葬。」
|
鍾意就快D Share啦！
|
|
|
