掃呢頁CODE去手機

2017年10月15日 星期日

紅館騷取消 劉美君爆粗:冇期可以改 __,劉美君,

劉美君都唔想咁。歌手劉美君(Prudence)今晚演唱會因為受8號風球影響而要取消,Prudence在下午接近五時,由家乘保母車出發到紅館,並在車上做 ...


劉美君都唔想咁。


歌手劉美君(Prudence)今晚演唱會因為受8號風球影響而要取消,Prudence在下午接近五時,由家乘保母車出發到紅館,並在車上做直播,雖然她都知道能夠繼續開騷機會不大,但她希望話畀歌迷知她冇放棄,可惜在車途中,到了限定的五時8號波依然未落,她一臉失望,得知粉絲都不開心,她說:「我都唔開心,但冇辦法。」

Prudence在直播開始時,因為還未到下午五點,她坦言:「如果五點後先落波,就真係好悲哀。」她又笑罵天文台:「死人天文台仲唔快啲降。」她坦言取消演唱會後,應該不會有補場,因為她的檔期只得五日,之後紅館有其他歌手要開騷,她忍不住爆粗說:「今日係我last期限,如果咁唔好彩,shxt!」她希望歌迷要有心理準備,因為她見到好多歌迷想她改期,但事實上不會改期,因為根本冇期。

雖然Prudence不停叫粉絲正面啲,但她自己也難掩失望之情,她坦言短期內也不能補期,她說:「唔知可以講啲乜,我唔知要等幾耐,不過定啲嚟,將來有機會有期咪再做番,但同紅館攞期唔係一件容易嘅事,唔想你哋覺得好快做得番。」她續苦笑說:「我又未死,唔死就仲有得做,係咪先?唔好唔開心!」她表示已購票的歌迷可以辦退票手續。最後她的保母車抵達紅館,她還拍攝周圍環境給大家睇,也見到後台外有粉絲在等她,她即落車同粉絲打招呼,終止直播。


來源 source: http://hk.on.cc
鍾意就快D Share啦!