2017年10月22日 星期日

周杰倫:囝囝曝光?周董晒BB相獲讚高顏值似昆凌 __,昆凌,周杰倫,周董,

好得意呀!!台灣天王周杰倫(周董)與老婆昆凌喺2014年結婚後,就火速先後誕下一子一女,實行三年抱兩!一向對仔女相當保護嘅周董,不溜都唔多晒大女「小周 ...


好得意呀!!


台灣天王周杰倫(周董)與老婆昆凌喺2014年結婚後,就火速先後誕下一子一女,實行三年抱兩!一向對仔女相當保護嘅周董,不溜都唔多晒大女「小周周」嘅相,而細仔「小小周」嘅樣貌更加係從未曝光!所以,唔少粉絲都相當好奇4個月大嘅「小小周」究竟似爹哋定係媽咪多啲。

今朝,周董喺社文網Instagram罕有晒出一張B仔相,並留言:「朋友小孩眼睛真大。」相中嘅BB頭戴深灰色冷帽,面部微微朝下,但仍然清晰見到其五官。只見B仔眼大大,皮膚白滑,個樣十分可愛!貼文一出,唔少粉絲都好激動,話呢個BB根本就唔係周董老友嘅BB,而係「小小周」!睇真啲,BB嘅眼又真係幾似昆凌,而個嘴就有啲似周董。網友見到後都紛紛大讚BB得意兼顏值高,更有人話似媽咪昆凌多啲,仲問周董幾時晒兩姊弟嘅正面相添!


來源 source: http://hk.on.cc
鍾意就快D Share啦!