不如拍番套《難兄難弟》吖！
藝人袁偉豪、黃翠如、薛世恒在旺角出席活動。袁偉豪與薛世恒出名撞樣，樣貌、身形十分酷似，仿如孖生兄弟。兩人首次一齊出席公開活動，期間玩遊戲由黃翠如隔着布景摸手仔猜誰是袁偉豪，結局連黃翠如亦估錯薛世恒是袁偉豪，薛世恒笑說：「我係佢替身『袁世恒』。」
因為撞樣而認識
袁偉豪與薛世恒一齊接受訪問，袁偉豪笑說：「第一次一齊做嘢，終於相認，我哋都係因為個樣似，幾年前互相認識。」薛世恒笑說：「大家都冇乜變，證明我哋冇整過。」袁偉豪笑說：「邊個忙咪幫邊個做替身囉。」
揚言齊齊以泳褲示人
薛世恒自爆在街上被錯認是袁偉豪而被要求影相，他笑說：「開頭影完都會講番自己唔係袁偉豪，後來都唔會，因為好似好尷尬咁，令到人哋唔開心。」袁偉豪則笑謂做戲要做全套。問到袁偉豪可希望與薛世恒合作賺錢？他說：「要睇廣告客戶嘅需要，可以研究吓。佢可以試吓着白色泳褲出嚟呀。（咁你着乜色？）我着乜色都得，哈哈。」袁偉豪又希望兩人可以一齊拍戲，最適合當然是做兄弟角色。
薛世恒成撞樣王
講到網民指薛世恒除了與袁偉豪撞樣，亦與周柏豪、吳卓羲及鍾鎮濤相似，薛世恒笑說：「我唱K㗎，我覺得最似都係袁偉豪，其實我個樣係咪百搭㗎？哈哈。」袁偉豪笑說：「同吳卓羲都似，大家都係高大靚仔。」
----------------------------------------------
東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/
如仍未更新東網App，請按此連結收睇360影片： https://goo.gl/HCcn5Q
來源 source: http://hk.on.cc
|
鍾意就快D Share啦！
|
|
|
