掃呢頁CODE去手機

2017年10月27日 星期五

狄維莊遜再晒昆凌合照 周董被封炫妻狂魔 __,昆凌,周杰倫,周董,

周董刪相,狄維莊遜過幾日又再甫番。台灣天王周杰倫(周董)最近忙緊喺內地開巡迴演唱會,不過佢亦不忘喺加拿大同狄維莊遜拍緊戲嘅昆凌,一有時間就會去陪嬌妻, ...


周董刪相,狄維莊遜過幾日又再甫番。


台灣天王周杰倫(周董)最近忙緊喺內地開巡迴演唱會,不過佢亦不忘喺加拿大同狄維莊遜拍緊戲嘅昆凌,一有時間就會去陪嬌妻,日前周董就喺社交網晒咗出狄維莊遜搭住昆凌膊嘅合照,仲搞笑留言問點解係佢唔喺度嘅時候,事後佢又以替電影保持神秘為由刪咗個甫文。

事隔幾日,呢張相又再出現喇!之但係今次就唔係喺周董嘅社交網,而係喺狄維莊遜嘅社交網上呀!狄維莊遜甫咗同一張佢搭住昆凌膊嘅合照,留言大讚昆凌:「很榮幸能和這女士(昆凌)合作,等不及讓世界看到她在電影裡的表現」,狄維莊遜之後仲hashtag指昆凌既危險又致命。

而周董睇到都即轉發,仲留言指呢張相係佢睇過狄維莊遜咁多晒肌相中,最令佢我驚喜嘅一張:「這是從我開始追蹤巨石強森(狄維莊遜)以來 除了肌肉照外我看過他自己分享在他ig最讓我驚喜的照片proud of you @hannah_quinlivan 雖然之前我已經po過了 哈哈」睇到都覺得sweet呀!難怪網友都忍唔住留言話周董係「炫妻狂魔」呀。


來源 source: http://hk.on.cc
鍾意就快D Share啦!