舌底發炎灌膿 交帶死後捐器官
洪朝豐：我可能患脷癌
【《蘋果》專訪】洪朝豐在十多年前患上抑鬱躁狂症要長期服藥，前日凌晨，他致電記者透露一個不幸消息說：「我可能患脷癌。」洪朝豐前日在藍田寓所受訪，他透露過去一年舌頭不停發炎含膿，傷口久久未能癒合。上周四他接受第二次切片檢查，本月16日將有化驗結果，已作最壞打算的他已向兒子透露後事安排。
洪朝豐前日在其藍田寓所接受本報訪問，透露自己有可能患上舌癌。攝影：仇志德
現年57歲的洪朝豐前日凌晨主動致電本報記者說：「我可能患脷癌，可能要做手術，我有件事好想做，就係返電台開咪做節目！」前日記者到訪洪朝豐位於藍田的公屋寓所詳談，精神不俗的他聲線帶點沙啞說：「我條脷病咗超過一年，開始嘅時候唔係好為意，小小痛，睇醫生、搽啲藥，過咗成年之後覺得奇怪，冇理由發炎成年。」後來他看耳鼻喉專科，兩個多月前接受第一次切片檢查，將發炎組織抽出檢驗：「檢查報告出嚟係細胞病變第二期，如果再病變落去就第三期，即係癌症。」
面對可能患癌，洪朝豐直言已為自己的身後事作出安排。
99年洪朝豐以20多萬購入德田邨一個建築面積5百多呎的單位，現已升值20倍。
唔要喪禮
雖然首次檢查結果顯示沒有癌細胞，但之後洪朝豐的傷口突然變壞，上周四要再做第二次切片檢查：「冇幾耐個傷口又重新覆蓋住啲黃色嘅膿，似乎個手術後，炎症蔓延得更加兇更加狠，所以醫生建議做第二次切片手術，16號就會出報告，睇吓細胞病變去到邊個地步。」洪朝豐又展示脷底傷口，除有一毫硬幣的大膿疱外，他透露還有兩道約一吋長含膿發炎地方，其中一道剛已切除做化驗：「我啱啱做咗個小手術，傷口會痛，吞口水會痛，講嘢會痛，食嘢會痛。」
洪朝豐直言已作好最壞打算，他說：「同我個仔（與前妻所生獨生子洪葉）講咗我葬禮要點做，如果我死咗，就將我身體所有器官可以捐、可以用嘅全部攞晒出嚟，留畀世界上有需要嘅人。然後，如果可以，唔好有喪禮，我真係唔想我朋友親人嚟！佢問點解唔畀佢哋嚟睇你最後一面，我話因為我唔想佢哋記住我死咗嘅樣，想佢哋記住我之前同佢哋一齊開開心心傾偈講笑食飯嘅時候個樣，跟住架車送我棺材去火葬場，燒成灰燼後，我吩咐個仔攞去海葬，撒喺大海。」
與寶詠琴分手後反目的洪朝豐，曾鬧爆前度說：「一隻手指捽死你！」資料圖片
98年洪朝豐與寶詠琴相戀成為全城熱話。
洪朝豐與前妻葉桂好仍保持友好關係，曾在對方的洪葉書店打工。資料圖片
樂觀面對
作為DJ出身的洪朝豐，對於自己有可能患上舌癌可會感到驚慌？他說：「隨住個痛越嚟越大，對你影響越嚟越深，譬如食麵包，麵包稍為硬啲，都唔可以即刻轉條脷去咀嚼佢。當開始出現咁嘅情況，你先知道你會慌㗎，你會驚。」
洪朝豐患過抑鬱躁狂症，如今可能再患舌癌，問可覺上天對自己不公？他無奈說：「都冇法子，個天從來冇講係咪一定要公平，總之分到你咪要硬食囉，煮到嚟就食，見一步行一步。」問覺得今次中招機會大不大？洪朝豐苦笑說：「我都覺得大㗎，但我會好努力、漂漂亮亮咁同佢相處。」
採訪：魯吉
|
鍾意就快D Share啦！
|
|
|
