熱爆娛樂: 【飲大兩杯】志偉醉攬實新娘唔放阿Bob搗亂辣㷫小春 __,阿B,曾志偉,志偉,陳小春,小春,林盛斌,Bob,鍾鎮濤,

2017年10月3日星期二

【飲大兩杯】志偉醉攬實新娘唔放阿Bob搗亂辣㷫小春 __,阿B,曾志偉,志偉,陳小春,小春,林盛斌,Bob,鍾鎮濤,

Coffee同男友一齊去神獸天使「騰騰雞」蔡慧欣嘅喜宴，點知出事喇，唔知係咪席間飲得多咗，同男友嘈起上嚟，Coffee就解釋耍花槍啫。

事實上，朋友結婚咁高興，飲多兩杯好正常吖。曾志偉喺杜德偉同Ice嘅婚禮入面，就飲到好醉，雖然唔係「打橫走」，不過應該唔係好認到人，攬實新娘唔肯放手。

林盛斌（Bob）同樣係飲醉而失控，前年導演錢國偉娶陳宛蔚，阿Bob飲醉咗上台打斷錢嘉樂、陳小春等人唱歌，小春嬲到爆粗掟咪，甚至追打Bob，要各位兄弟主動隔開。阿Bob臨走仲咀咗梁烈唯三次。

曾經係o靚模嘅活希兒，曾經喺13年着住同新娘同一款婚紗，出席孫大倫細仔孫道熙同董林鎮洪女兒林珊亭嘅婚宴，擺到明想踩場。之後有新郎哥嘅朋友貼相證明，活希兒曾經趁新郎新娘跳舞時，偷偷坐喺主家席。

喺婚宴上柴台嘅，仲有王愛倫嘅大仔林建億，佢喺前度周家蔚同洪天明婚宴上不請自來，又飲又食又「抄牌」，甚至倒瀉水喺新娘嘅晚裝上面，洪天明嬲到爆，事後爆粗鬧對方「媾女死遠啲」、「仆街要開名講。」

	杜德偉娶太太Ice…（資料圖片）	醉咗嘅志偉當住人夫面，攬實Ice唔放。（資料圖片）
曾志偉、錢嘉樂、陳小春等人喺錢國偉婚禮上唱歌，阿Bob走咗上台…（資料圖片）	落到台，要由各位兄弟分開。	臨走又咀咗梁烈唯三啖。
活希兒（右圖）着住新娘同一款婚紗裙出席人哋婚禮。（互聯網圖片）	林建億喺洪天明婚禮上媾女，嬲到洪天明鬧爆。（互聯網圖片）	（互聯網圖片）