掃呢頁CODE去手機

2017年11月16日 星期四

終於唔使做兵趙永洪孖女友拜四面佛 [壹週刊 - 1445] __,趙永洪,M1,

早前,本刊發現趙永洪與女友拍拖行又一城。探熱針終於唔使做兵趙永洪孖女友拜四面佛入行18年,38歲趙永洪拍了超過一百套劇集,07年憑《畢打自己人》Mar ...






早前,本刊發現趙永洪與女友拍拖行又一城。

探熱針

終於唔使做兵趙永洪孖女友拜四面佛

入行 18年, 38歲趙永洪拍了超過一百套劇集, 07年憑《畢打自己人》 Marco一角薄有名氣。賺到錢,感情方面就無咁好彩,據知,趙永洪追了臨床心理學家林玥彤醫生近兩年,一直只做兵仔,最近終於脫離兵團,本刊拍到他孖住嫩口女友到泰國拜四面佛,回港後又影到二人連體嬰行街,恭喜晒!

做足兩年兵

雖然趙永洪多演閒角,但年年爆騷,又登台密食、做婚宴司儀等賺外快機會,是收入可觀的三線。今年無綫的綜藝節目《關你家事》,請了臨床心理學家林玥彤做嘉賓,當時有指趙永洪全天候陪住林醫生錄影,十足男朋友一樣,節目出街後,有讀者爆料指林醫生是第三者,介入趙永洪與圈外女友感情。

「 Raymond冧咗林醫生好耐,追都追咗兩年,女方一直冇拒愛,搞到佢以為自己有機會,生日又送花又唱《喜歡你》,就知佢真係好鍾意啦。 Raymond嗰陣同圈外女友分咗手喇,況且佢都冇同林醫生拍拖,只係做觀音兵咋!」有知情者說。





落電梯時,女友忍唔住從後攬住趙永洪, sweet到爆。





二人到超市掃貨,十足新婚夫婦。





嫩口女友會突然搭住趙永洪膊頭行街,舉止好幼氣。





31/10二人拍拖半年,經常拍拖周圍去,早前被發現在中環手拖手搵餐廳醫肚。





06/11剛拍完電影《棟篤特工》的趙永洪,孖住女友去泰國玩,順便拜四面佛。

連體嬰落電梯

做足兩年兵!十月初,本刊發現趙永洪唔再做兵,以男友身份與新歡在又一城溫馨行超市,兩個掃完貨,落扶手電梯時,女友更忍不住從後攬住他。之後,女友又搭住他膊頭行,連體嬰一樣,閃爆。





入行 18年的趙永洪, 10年前憑處境劇《同事三分親》及《畢打自己人》 Marco一角,薄有名氣。





%今年初傳趙永洪為追臨床心理學家林玥彤,甘心做觀音兵兩年。

手拖手搵嘢食

感情穩定,趙永洪同女友亦公然拖手行街,早前兩人在中環搵餐廳醫肚,身為男友的趙永洪,左指右指好多意見,夠晒 man。「佢同呢個女仔拍咗半年拖,仲喺熱戀期,不時黏到實,早排佢兩個飛去泰國旅行,順便拜四面佛。不過佢只係介紹咗俾最熟嗰幾個朋友識,好大班人嘅聚會都未見佢帶女友出嚟,可能想再穩定啲先。」有知情者說。







%年年爆騷的趙永洪,有很多登台及婚宴司儀外快機會,賺埋唔少錢。





在台慶劇《降魔的》飾演的士司機陸嘉一,是馬國明的好兄弟。





09年趙永洪與朱慧敏合作《畢打自己人》撻着過,可惜快嚟快去。





除拍劇,趙永洪亦有不少拍電影的機會,早前他在《同囚》內飾演教官,獲得不少好評。

撰文:娛樂組

攝影:李溢敏、楊紫、李玄、志輝


鍾意就快D Share啦!