掃呢頁CODE去手機

2017年11月17日 星期五

【我老公係發哥(15)】發嫂玩轉九龍城 突襲街坊walk in黐餐 __,發哥,陳薈蓮,發嫂,周潤發,

發嫂家住九龍塘,紮根九龍城,不用去外地工作時,兩公婆必定在九龍城留連,撞口撞面街坊朋友,周不時被「集郵」,好似返娘家般,採訪當日,發嫂就多次被街坊要求 ...




發嫂家住九龍塘,紮根九龍城,不用去外地工作時,兩公婆必定在九龍城留連,撞口撞面街坊朋友,周不時被「集郵」,好似返娘家般,採訪當日,發嫂就多次被街坊要求selfie,當然她也有求必應:「好lucky,啲人咁愛錫你,返到九龍城就生猛,去邊都咁多人錫,大家好似一家人,好難得有人愛錫。」

平時除醫肚外,由買餸行街市、買生果、去藥房買廁所用品,到中藥店執保健茶,都是在九龍城搞掂,發嫂笑言:「做周潤發老婆乜都要做,但覺得好開心,我都係普通一個老婆。」發嫂愛行九龍城,同各檔主更感情深厚,感恩地多人愛錫自己,一講到呢個位更眼濕濕,絕對是性情中人。

發嫂平時愛下廚,行到街市門口,流動賣電話小檔主已同發嫂打招呼,入到魚檔,東主芳姐即攬腰咬耳仔,之後再到幫襯多年的菜檔,後生菜販原來是發嫂契仔,而東主康哥見到發嫂即互攬,發嫂更開玩笑成日有免費菜吃。康哥稱呼發嫂做阿姐,問到他傳聞發嫂買餸月結,他表示:「佢唔使月結,佢依家唔得閒煮飯,佢得閒就落嚟,唔使留定,會攞最新鮮最當造嘅畀佢。」問到發哥兩公婆愛吃甚麼,康哥就爆料:「比較健康啲,就晒發哥,佢唔食得寒嘢,阿姐就唔使就,阿姐只係就發哥。」問到邊個嚟買餸多啲,佢話:「阿姐嚟就得,發哥唔理佢哋啲嘢,阿姐會煮畀佢食,周生無事四圍去,去跑步,行下街睇吓嘢,周生佢好有心,會買出面啲嘢嚟畀我哋食,識咗十年八載,多數阿姐一個人落嚟,佢跑完步就落嚟。」

去完街市,發嫂就去水果店,一行入舖即叫老闆娘做「家姐」,對方被發嫂攬到實,笑發嫂係永遠董事長,發嫂就拎住日本提子話免費,跟住又同老闆講笑:「陳生,啲嘢好貴喎,得唔得?驚你記仇呀。」陳生淡定表示:「周生會落嚟畀錢。」

陳生透露發嫂係豪客:「佢係高消費者嚟,有時做完廣告送嘢畀人食,發嫂會買成五位數字生果俾啲客同工作人員,發哥都差唔多,有時拍戲好似發哥士多,我哋都要送啲嘢過去。」

之後,發嫂再亂入糧油舖,自動波攞筷子「黐餐」,大飲人參雞湯、食欖角骨,發嫂仲話指平時幫襯嗰陣,店員會教佢入廚小貼士;而店員則爆料,指發哥兩公婆帶時會去深井買燒鵝給她們加餸,同一年最開心他們會來派利是,發嫂表示:「大家普通人一個,掛名係周潤發太太。」店員即爆seed回敬:「咩掛名,實際都係,結婚證都係啦,唔係掛名,唔係係人都掛到。」

最後,發嫂就去藥材舖,見到員工開飯,佢拎筷子、碗亂入用饍,老闆阿王表示發嫂會煮馬來新加坡咖喱雞給他們食,發嫂笑言:「我唔煮嘢食,唔會咁易得到有免費,我要付出先有好藥材,佢哋好好,有時畀啲湯畀我哋拎返去。」發嫂提到多人愛錫更眼紅紅,挨住阿王。阿王表示發嫂夫婦主要來保健:「嚟保健多,太忙,增強拭抗力,有時腸胃差,食得嘢多過頭。」阿王更開玩笑發嫂紅過發哥:「梗係你紅過發哥,主要你係買餸,佢負責拎餸,話事嗰個係你,今晚食咩餸,聽你話。」

記者:陳月媚、倩宜

攝錄:卓振輝、廖達燊、吉吉

攝影:郭賢興、陳順禎

協力:林德雄

髮型:Byron Ho、Louis@ Hair Culture

化妝:Fiona To

場地提供:香港嘉里酒店

更多娛聞,喺晒《娛果》

http://fb.com/appledailyent

「我老公係發哥」:《蘋果》娛樂即時 X「娛果——蘋果娛樂」,10月30日起,逢周一至五刊登。

【我老公係發哥(1)】懷孕十個月女兒胎死腹中 發嫂堅持順產:我點都要經過呢個過程

http://bit.ly/2xybbWp

【我老公係發哥(2)】「我個女死咗喇!」發嫂冇坐月:發哥即刻帶我離港

http://bit.ly/2ie4zpq

【我老公係發哥(3)】發嫂爆發哥追女手法 日日寄PostCard晚晚追魂Call

http://bit.ly/2xEQAzu

【我老公係發哥(4)】結婚係驚喜 發哥曾表明:你要記住,我唔會娶你㗎!

http://bit.ly/2z52aFO

【我老公係發哥(5)】日付發哥幾百蚊零用 買樓興一炮過俾晒錢

http://bit.ly/2xTy7iY

【我老公係發哥(6)】賭前作法? 發嫂先係女賭神:真係年年贏到開巷

http://bit.ly/2y4k2zc

【我老公係發哥(7)】31年恩愛婚姻秘訣 情聖發哥送花蒸蟹製驚喜

http://bit.ly/2lZzUl0

【我老公係發哥(8)】熟讀《孫子兵法》學做發哥經理人 發嫂傾片酬好辣?

http://bit.ly/2hl1VlB

【我老公係發哥(9)】同御用團隊玩到癲 發哥:邊個隊醉發嫂要斬手指!

http://bit.ly/2zvhlKN

【我老公係發哥(10)】食飯Keep弗不言休 發嫂成立基金捐身家

http://bit.ly/2hgYvfX

【我老公係發哥(11)】兒時目睹母親漏夜出走 發嫂:做唔到阿媽唔代表要憎

http://bit.ly/2zxBYGq

【我老公係發哥(12)】富商爸爸謎一般背景 發嫂:佢捱苦唔會同我講

http://bit.ly/2moCVvt

【我老公係發哥(13)】發嫂18歲前未着過裙 寧當警花唔做家族生意

http://bit.ly/2hAX6Va

【我老公係發哥(14)】貼地掃街食平民嘢 發嫂:我爭落周身街數

http://bit.ly/2juLvrB



生果店老闆陳生,笑指發嫂是豪客,試過花五位數買生果慰勞工作人員。 去到糧油店,發嫂見員工正在用膳,即上前黐餐。
發嫂指平日也會跟糧油店的員工學廚藝。 於九龍城街上,不時有人要求跟發嫂合照。 跟糧油店員工合照。
與菜檔老闆及其囝囝合照。 菜檔老闆康哥甚為疼鍚發嫂,有甚麼當造蔬菜,他都會送往發嫂府上。 由於發嫂早前不在香港,故菜檔老闆指相當掛念發嫂。
發嫂指她跟發哥平日最愛吃這些魚仔 跟魚檔老闆娘密密傾。 發嫂突入藥材店職工圍用膳。
藥材店老闆,笑指發嫂在九龍城,比發哥還要紅。

鍾意就快D Share啦!