掃呢頁CODE去手機

2017年11月25日 星期六

【居民爭住影】「佔領」長洲碼頭 陳嘉寶坐大紅花轎出嫁 戴金豬 __,陳嘉寶,

陳嘉寶(Anjaylia)今日結婚,半億初戀男友黃頌祈今朝一早就去洲際酒店接新娘,之後聯同一眾兄弟姊妹及親友,就浩浩蕩蕩坐住遊艇殺入長洲,因為新郎哥黃 ...




陳嘉寶(Anjaylia)今日結婚,半億初戀男友黃頌祈今朝一早就去洲際酒店接新娘,之後聯同一眾兄弟姊妹及親友,就浩浩蕩蕩坐住遊艇殺入長洲,因為新郎哥黃頌祈為長洲人,所以都會依足長洲傳統返去祭祖。

唔少長洲居民一早就到碼頭湊熱鬧,兩行夾道歡迎一對新人。Anjay同老公均穿上中式禮服,見Anjay頸上戴住一隻小金豬,兩隻手臂就戴住4-5對好粗嘅龍鳳鈪,依足習俗坐上花轎,大 姐請新郎踢轎門話﹕「一踢吉,二踢利,三踢大吉又大利。」有兄弟講笑話﹕「左腳定左腳?」跟住新郎就踢咗三下橋門,喺現場人士歡叫聲中轉咗個360大圈影相,之後就揹住新娘子返男家向長輩斟茶,期間要上一條好長嘅樓梯,好彩嘉寶夠輕身,相信新郎哥辛苦得嚟都應付。之後一對新人就會去教堂舉行婚禮儀式,沿途唔少街坊都有拍照,非常熱鬧。



更多娛聞,喺晒《娛果》

http://fb.com/appledailyent

陳嘉寶出嫁,好似佔領咗長洲碼頭一樣,非常墟陷。





新郎哥要揹住嘉寶返男方屋企。 依足傳統坐大紅花轎。








條梯都好長吓


鍾意就快D Share啦!