欣宜夠晒樂觀！
歌手鄭欣宜早前在外地發生意外，在跳水時跳斷腳受傷，回港後要接受手術。傷後欣宜首度露面接受電台訪問，電台為方便欣宜要坐輪椅上落，特意在樓梯放斜台，不過欣宜未有坐輪椅，見她撐着兩支拐杖落車，她左腳打了石膏，一級一級跳上梯級，之後再行入公關訪接受訪問。
對唔住汪明荃
欣宜指今次受傷是100%的Kai，她說：「因為收到下年4月22日紅館申請到檔期開心到癲咗，諗住去個旅行，返嚟修心養性，點知就玩到整親腳。」欣宜最不好意思是出席不到Liza（汪明荃）入行50周年騷，因是Liza親自打來邀請，但因要做手術，所以只能說對不起出席不到。
問到工作有否受影響？欣宜謂：「打咗石膏接咗嘅工作都會盡做，廣告客戶都好好會遷就拍攝。（沖涼最唔方便？）因為屋企沖涼嗰個位都有一級樓梯，好彩物理治療師都有教點上樓梯，同埋包住抬高隻腳先沖涼。」石膏大約兩星期拆走，之後就換上吹氣石膏。
有猛男幫手
講到當日手術前拍片爆喊，欣宜表示是怕痊愈後都不能回復以前靈活，又自己喜歡穿高跟鞋。她透露本身已構思紅館個唱有Part似考牌式的勁舞挑戰舞台，不過受傷後物理治療師都教會她做人要向前望，發癲是解決不了問題，而是正面向前行。欣宜笑言當日受傷前沙灘沒有人，但她受傷後，不少「令立立」型男走出來扶她，即時痛楚減少。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|