（互聯網圖片）
即睇尼馬淚灑記者會片段：http://bit.ly/2ABdUAc
巴西於周五國際熱身賽鬥日本，王牌球星尼馬先開紀錄表現不俗，森巴兵團輕取對手3:1，場上輕鬆興奮，真正考驗原來來自場外。賽後尼馬再被問到同卡雲尼及巴黎聖日耳門嘅關係，呢位巨星表示根本冇同球會、教練、隊友不和，講完嬲到掉頭走；之後同巴西領隊迪迪見傳媒，期間迪迪維護尼馬，重申愛將係個好人，講到尼馬悲從中來淚灑記者會。
自從轉會聖日耳門後，尼馬場上發揮出色，但卻傳出佢同卡雲尼不咬弦、不滿教練艾美利、甚至有傳佢後悔轉會，希望重返巴塞。種種傳聞令尼馬不勝其煩，佢於今仗賽後話：「我喺聖日耳門好開心，好有衝勁而且好滿足，我絕對為會球會貢獻100%。我同卡雲尼冇不和，冇不滿教練，事實上我加盟時，佢已經帶領球隊。我淨係想開心，無意打搞任何人，我知自己對球隊有幾重要，亦都知道自己角度，希望你哋會放過我。我冇發脾氣，只係想做我想做嘅嘢，講自己想講嘅說話。」佢愈講愈深入：「我最憎傳言，嗰啲扮作知道晒所有內情嘅人，真係對我好滋擾。大家想知，應該聽我親手講。我同聖日耳門絕對冇問題，困擾我嘅只係傳媒。我只係好單純想贏，想奪取錦標，喺聖日耳門可以做到，所以無論係離開巴塞時，抑或依家，我都好開心。」
情緒明顯受到影響、而且覺得好委屈嘅尼馬，之後跟迪迪會見傳媒，迪迪表示：「對傳媒話尼馬唔滿意我，唔單只係佢，連我都覺得好攰。佢絕對係個好人，大家唔好再誤會。」聽到呢度，尼馬開始流淚，跟手迪迪搭咗搭尼馬大腿，令尼馬更加難忍淚水，所以決定先行離開記者會。
即上英超刨績王：http://win.on.cc/epl
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|