熱爆娛樂: 【暗讚洗米華性能力強？】驚聞Mandy四年生三個松岡驚呼：咁易有咗！ _

2017年11月2日星期四

【暗讚洗米華性能力強？】驚聞Mandy四年生三個松岡驚呼：咁易有咗！ __,松岡,洗米華,Mandy Lieu,Mandy,周焯華,松岡李那,

太陽娛樂老闆周焯華（洗米華）同Mandy嘅第三胎，日前有報道指已經喺9月出咗世，再添一女，甚至有指洗米華安排Mandy同仔女返澳門住，不過無論係洗米華定洗米嫂（陳慧玲 Heidi），都將家庭放喺第一位。（新聞連結： http://bit.ly/2A8S5aZ ）

事有湊巧，今年被捲入呢段複雜關係入面嘅松岡李那，今日喺中環蘭桂坊出席稍後舉行嘅《蘭桂坊日本嘉年華》記者會，記者提到Mandy Lieu再為洗米華誕下女兒，問到松岡有冇留意新聞？松岡明顯聽呢單新聞感到驚奇，先係睩大對眼，然後不停「WoW」表達心情，再用英文反問：「Oh really? WoW I don't know.」

咁佢會唔會恭喜吓周生？松岡話：「Not sure，我唔知。」同周生仲有無聯絡？佢話：「Not really.」然後再情不自禁對洗米華再度做爸爸表示驚奇：「Three child？WoW easy to pregnant.」咁松岡希唔希望有自己嘅小朋友？佢話：「hope in the future, I never get baby, is god give them.」

松岡又喺訪問時表示自己對蘭桂坊一啲都唔陌生，因為七年前嚟香港發展第一份工作就係喺蘭桂坊度舉行。講到飲酒，佢話自己都鍾意但唔會飲好多，隔星期先至會同朋友見面飲吓嘢，最喜歡紅酒同日本清酒。

日前萬聖節，松岡喺個人Instagram上分享自己化身貓女郎嘅相，佢話當時自己喺日本東京，仲透露呢段時間一路都喺東京，因為要宣傳剛喺日本發行嘅個人新歌《The Earth》，松岡表示係一首EDM跳舞歌，會有性感造型，希望遲啲有機會嚟香港同馬來西亞宣傳。另外，早前有份演出嘅一套中日合作電影，亦會喺月底上映。

更多娛聞，喺晒《娛果》

http://fb.com/appledailyent

攝影：曹家誠、馮嘉銘	松岡今日出席《蘭桂坊日本嘉年華》記者會。
	記者話佢知洗米華同Mandy又生女喇…	佢好驚訝，舉起3隻手指：「three？」
然後笑得好開心，不停「WoW」，予人感覺難以置信。