掃呢頁CODE去手機

2017年11月2日 星期四

Mandy九月英國再生女 洗米華接四母子返澳門定居 [壹週刊 - 1443] __,洗米華,Mandy Lieu,Mandy,周焯華,M1,

原來Mandy同洗米華在九月秘密生了第三個BB,在BB出世頭幾日,更搵了攝影師幫他們影相,Mandy手中仍戴住醫院的手帶。娛頭Mandy九月英國再生女 ...






原來 Mandy同洗米華在九月秘密生了第三個 BB,在 BB出世頭幾日,更搵了攝影師幫他們影相, Mandy手中仍戴住醫院的手帶。

娛頭

Mandy九月英國再生女 洗米華接四母子返澳門定居

洗米華同 Mandy Lieu在 15及 16年分別誕下一女一仔,但原來 Mandy九月在英國再為洗米華生多一個女,本刊在一間英國攝影公司網站,發現有兩張洗米華同 Mandy抱住初生囡囡合照。

據知,洗米華自從同 Mandy生完大女周願之後,好享受同 Mandy過家庭生活,要組織大家庭,計劃起碼要同 Mandy生夠四個先肯收工,洗米華好心急,話咁快已經三年抱三。

原本 Mandy今年初會帶埋小朋友返澳門定居,唔使洗米華澳門英國兩邊飛咁辛苦,但因為再大肚,打亂計劃,而三女出世後,洗米華已急不及待要 Mandy返澳門,更裝修定澳門複式豪宅,隨時接 Mandy四母子返澳門。

B女曝光

過去三年 Mandy大部分時間都留在英國倫敦生活,分別在一五年及一六年誕下一女一仔,而洗米華就做「空中飛人」香港倫敦兩邊,近半年時間,洗米華飛往倫敦的次數更加頻密,幾乎每星期都會飛一轉倫敦陪三母子,有時就算只可以留一日,洗米華都唔怕辛苦,都要爭取時間見 Mandy。

原來這段時間 Mandy懷有第三個華 B,而本刊從英國一間攝影公司的網站,發現到有兩張 Mandy洗米華與一個初生 BB一齊影 Newborn Portraits(新生肖像)。

其中一張是彩色,洗米華與 Mandy頭貼頭拖住手, Mandy另一隻手摸住 BB,而 BB瞓在一隻小綿羊公仔上,頭髮濃密相當趣致,而洗米華雖然滿面鬍鬚,但就流露住一副慈父幸福冧樣,與平時出現公開場合 cool樣有很大分別,而他身上著住他近期至愛,今季 Fendi白色大 logo T-shirt,加上 Mandy一頭短髮,是她三個月前才開始轉了這個髮型,加上八月尾有報導指 Mandy同洗米華出發到葡萄牙旅行,九月中又被發現在倫敦買 BB衫,所以推斷 BB是在九月頭出世。





八月洗米華著住 Fendi白色 tee,應該是同 BB影相時,所著的同一件衫。





九月中微博有人 post了一張 Mandy同洗米華在倫敦食早餐的相片,相信當時 Mandy已經生完 BB。





這輯黑白相,張張相都係錫錫,唔係洗米華錫住 Mandy,就係 Mandy錫住 B女,成輯相都充滿愛。

錫到燶

相中 Mandy的右手仍戴住醫院的手帶,而左手的中指,就戴住一隻巨型方鑽戒指,相信這輯相是在 BB出世後一至兩日所拍攝,而 Mandy雖然剛剛生完 B,但完全沒有大肚婆生完仔口腫面腫現象,化了淡妝精神十分飽滿,同過往兩胎一樣, Mandy佗 B時都仍然可保持纖瘦身形。

而另一張相就是由三張黑白相拼埋組成,第一張是 Mandy同洗米華瞇埋眼嘴對嘴錫住,手中就抱住 BB。第二張就是洗米華錫住 BB個嘴仔, Mandy就錫 BB的頭頂,兩個人含情脈脈深情對望。而第三張就係洗米華抱住 BB,但係就錫住 Mandy額頭,至於 Mandy就錫住 BB的頭頂,成輯相的構圖都充滿愛的感覺。

據知, Mandy生第三胎的消息,她只向了英國的朋友透露過,而洗米華亦只跟信得過的身邊人提及過,以免在 Mandy佗 B期間受到騷擾。但本刊收到消息,知道 Mandy同洗米華第三個小朋友是 B女。

「華哥同 Mandy一齊四年幾,感情都無變淡,仲愈嚟愈恩愛,華哥直情將愛的宣言「 I will honour and love you Forever」紋埋喺手臂內側度,就知佢有幾愛啦,同埋華哥同 Mandy生完大女周願之後,好享受同 Mandy過家庭生活,加上囡囡又靚又得意,好黐爸爸,囝囝就更加錫到燶啦,所以佢計劃同 Mandy起碼要生四個,要組織大家庭熱鬧啲!」洗米華身邊人說。





七月時 Mandy同洗米華出席朋友婚宴,當時 Mandy完全唔見肚。





Mandy佗第一胎時,就算七個月大都唔見肚,加上她有做大量運動,所以大肚時都特別瘦過人。





洗米華在手臂內側紋了「 I will honour and love You Forever」,下款是「 M.W」即係代表 Mandy同 Wah(華)。





洗米華錫到 Mandy燶,見到他們的相片,時時刻刻都是洗米華錫住 Mandy。





Mandy對上一次在香港現身,是一五年十二月,當時他們食完火鍋,洗米華公開拖住 Mandy離開。

打亂計劃

不過洗米華同 Mandy分隔兩地,雖然洗米華經常香港英國兩邊飛,但他始終想 Mandy同三個仔女留在身邊,隨時都可以見到,其實原本安排了 Mandy在今年三四月返澳門定居,更在氹仔買了一個複式單位,之前 Mandy更秘密返過澳門睇新居,不過因為又大肚,所以將計劃擱置咗,留番喺英國安胎生 B。

「其實 Mandy鍾意喺倫敦生活多啲,嗰邊生活同教育環境對小朋友都好啲,但係華哥真係要求咗好多次,好想佢哋留喺自己身邊,所以 Mandy最後都係心軟,答應咗華哥會返澳門住。」知情者說。





上年 Mandy臨生囝囝前,開了一個 shower party。





大女在一五年五月出世,洗米華全程陪住 Mandy生 B,親自抱 B接出院。





在布吉度假期間, Mandy當時正佗住囝囝。





一六年初洗米華帶囡囡同 Mandy去布吉度假,洗米華經常要抱實囡囡周願。

撰文/攝影:娛樂組


鍾意就快D Share啦!