2017年12月12日 星期二

張文慈:17歲遭迷姦 張文慈小學受欺凌被打爆缸 __,張文慈,

張文慈小二時被「飛仔」欺凌受盡折磨,但唔敢告佢哋,反而就係噩夢嘅開始!藝人張文慈(Pinky)接受電台訪問分享她如何克服童年時不快的經歷,她透露早在小 ...


張文慈小二時被「飛仔」欺凌受盡折磨,但唔敢告佢哋,反而就係噩夢嘅開始!


藝人張文慈(Pinky)接受電台訪問分享她如何克服童年時不快的經歷,她透露早在小學二年級開始曾被「飛仔」打至流血、被吐口水、甚至逼她飲拜神燒酒,她提到︰「有位老師幫手報警,拉咗啲『飛仔』返警察局,問我告唔告佢哋,我唔敢告佢哋,好驚佢哋尋仇。但我唔告佢哋,噩夢就開始。」自此,「飛仔」變本加厲,她續說︰「每次畀佢哋捉到,真係見鑊打鑊,佢哋會用盡所有方法折磨你。」故此,她藉着大氣電波呼籲大家若受到欺凌,必須要站出來。 

受壓諗過自殺

張文慈07年受訪時曾憶述17歲遭迷姦,可惜當時不如近日社交網上發起的「#MeToo」運動般備受各界關注。報道出來後,她甚至被戴有色眼鏡人質疑,指她搏宣傳,結果最後被亞視雪藏,令她身心受盡壓力。背負着家庭負擔的她,覺得無路可行,自我價值觀低落,節目中,她坦言:「當時我曾經想過自殺!」最後,直至7、8年前,靠信仰才改變自己,透過多次見證同分享,才慢慢走出陰霾。

「係個烙印」

Pinky接受東網訪問,再憶述當時的情況,指童年時,家人為口奔馳,只有7、8歲的她,要獨自從屋邨寓所步往附近的小學返學,她記得:「第一次被人蝦係幾個大我2、3歲嘅童黨問我去邊,之後打到我流血。」受虐時間更長達四年,她指當時的傷勢:「有大鑊有細鑊,詳情、同喺邊條屋邨發生,我唔想再講,因為係個烙印,直至讀完小學先冇被人打。」

唔係博宣傳

Pinky長大後,現時見學生被欺凌的新聞都會好嬲,她呼籲:「被蝦嘅人唔好再啞忍,怕事只會助長佢哋蝦得你更犀利。」可會追究當年的施暴者?她指信主後學懂寬恕及原諒別人,故不作追究,但認為現時的欺凌事件跟她被打的程度大不同:「我受皮肉之苦,但依家啲人直情攞你命。」Pinky強調舊事只是希望信主或未信主的人接收到正能量。

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...