2017年12月12日 星期二

【狗仔出更】55歲錢國偉明年做高齡老竇 變顧家暖男陪太太睇中醫 __,錢國偉,

近年多咗好多高齡產婦,就連高齡Daddy亦越來越多。繼年過半百嘅杜德偉同蘇永康一索得男後,55歲嘅錢國偉(Wilson)亦將於明年初榮升做老豆,早前已 ...




近年多咗好多高齡產婦,就連高齡Daddy亦越來越多。繼年過半百嘅杜德偉同蘇永康一索得男後,55歲嘅錢國偉(Wilson)亦將於明年初榮升做老豆,早前已透露今胎生女,話晒係前世情人,心情當然好興奮啦。

上月尾,錢國偉就陪懷孕7個多月嘅太太陳宛蔚(Calinda)去九龍城一間藥行睇中醫,當日下午四時許,見陳宛蔚腹大便便,着住貼身衫、牛仔褲及波鞋,身形明顯比以前豐滿咗好多。佢哋大約等咗15分鐘,Calinda全程戴住口罩,直到見中醫時先除低,幫佢睇面色同把脈,見Calinda不停問中醫師問題,畀完錢冇攞藥就離開。錢國偉一改花弗形象,突然變咗顧家暖男,幫老婆開門之餘,上落一級樓梯都扶到實,非常體貼,之後兩人就好恩愛咁手拖手行去攞車。

據聞Calinda今次睇嘅中醫師姓方,李克勤太太盧淑儀、關心妍等都曾經求診,而且收貴頗貴,每次診金連藥都要逾千元。而Calinda未懷孕前體重唔夠一百磅,為咗生BB,足足睇中醫調理身體一年先成功懷孕。Wilson接受《蘋果》電話訪問時話﹕「佢(Calinda)一向鍾意小朋友,咁中醫真係幫到,所以keep住睇。(據聞收費好貴?)朋友價啦。」佢透露太太預產期喺明年2月中,問心情係咪好緊張?Wilson話﹕「我要盡做多啲嘢,令自己唔好咁緊張,遲啲都會停工陪太太。(已預備BB用品?)老婆精過我啦。(對小朋友有乜期望?)最重要健康開心就得。(係咪已報學校?)都係老婆緊張過我,但真係搵緊。」

更多娛聞,喺晒《娛果》

http://fb.com/appledailyent

(攝影﹕梁繼光、羅德光) 陳宛蔚一向好鍾意小朋友,但之前身體弱,所以一直有睇中醫調理身體。 上落都好小心,陳宛蔚撓實老公。
陳宛蔚懷孕7個多月,據知今胎生女。 陳宛蔚雖然腹大便便,但身手都好敏捷,步速都好快。

Wilson安頓好老婆上車,然後就揸車離開。 JJ上月誕下小公主,與陳宛蔚好老友。(網絡圖片)

鍾意就快D Share啦!
Related Posts Plugin for WordPress, Blogger...