龍友瞄準35E特寫莊端兒批(月爭)護胸
模特兒莊端兒（Xenia）胸襲尖沙咀鬧市一小時，5吋「加工」事業線令滿街男人陷入瘋狂化身龍友，個個目標一致，瞄準其35E導彈身材狂影大特寫！Xenia被影到驚，明言胴體只許幻想，不可觸碰！
莊端兒昨日在尖沙咀街頭宣傳，為配合餐廳的Cosplay主題，她變身動漫中的性感角色，穿上超緊身開胸露腰裝大晒35E豪乳，更加重陰影營造逼爆效果，成條街的男士個個變成「龍友」，拎出手機及相機圍着及追住她瘋狂獵影，但觀乎鏡頭的「高炒」角度，似乎Xenia的豐滿身材比樣貌更具吸引力！
扲荷包踩場
由於街頭人多擠迫，Xenia與「龍友」只有幾個身位之隔，加上現場沒有圍欄，Xenia身邊只有幾位Cosplayer「保護」，故她長時間交叉雙手護胸。期間不少「龍友」成功突圍，與她膊頭貼膊頭，或者搭住她的香肩合照，而Xenia全程保持微笑，來者不拒。
被「輪」影成粒鐘的Xenia受訪時，坦言看見男粉絲的熱情舉動都怕怕：「初時都有啲驚嘅，不過佢哋都好規矩，埋嚟時有問我可唔可以影相。（佢哋啲鏡頭全部對住你胸部喎？）咁呢啲控制唔到。（怕唔怕成為幻想對象？）唔諗咁多啦，哈哈！」她表示早知角色造型性感，故早已做足安全措施，除了戴胸圍及黐滿膠紙外，亦曾測試爆衫風險度，加上身邊有幾位Cosplay演員保護，故不太擔心被人輕易博懵：「我一行出嚟時已經提高警覺，如果有人手多多，我會用交叉手嘅手(月爭)『鬆』佢。（係咪怕被胸襲，所以先交叉手？）一來可以保護自己，二嚟呢個手勢係角色人物嘅招牌手勢嚟。」
Xenia自認Cosplay迷，尤其愛動漫《海賊王》的角色，今次出席活動沒有收取酬勞，笑言千多元的服裝費亦是自掏腰包：「我係嚟踩場，見到佢哋招募，又可以試食同影相，我就奮不顧身咁衝出嚟。（係咪因為冇工作，所以先咁性感，增加工作機會？）絕對唔係。」
拍拖要合眼緣
她坦言與經理人公司的合約糾紛仍未解決，故沒有新工作在身，但生活過得充實，除了陪媽咪，亦修讀心理學短期課程，她說：「都市人壓力太大，成日聽到小朋友同大人自殺，希望讀吓、了解吓，睇吓有冇機會幫到人。」問到現時可有拍拖？她說：「如果有都唔畀我咁樣着出嚟。（有冇追求者？）有嘅，但未有感覺。（係咩人？）有好多，做金融嘅、朋友介紹嘅，但講眼緣同感覺。」她自言對上一次與張致恒拍拖3年多後，暫時想休息，不心急拍拖，期望明年結識到新男友。
文：音樂組
|
鍾意就快D Share啦！
|
|
|
