【00:52】新增動新聞
「曹醫生，其實係個好人！佢太聰明，做嘢好叻，同人相處好好，永遠唔會發脾氣。」玩具大王蔡志明雖然斷言不再借錢救曹貴子，但在訪問中亦不忘大讚他聰明，而且有學識，說話談吐溫文，更直言：「我好信佢！」
二人相識始於「睇醫生」，「有日睇醫生，本來長江入股佢哋，但後來退出，問我有冇興趣呀？」蔡志明表示，當時曹貴子得知其女兒蔡加怡剛畢業回港，遂游說他讓女兒加入康健國際，他憶述當時曹聲稱：「得閒來兼吓職，康健畀佢(蔡加怡)掛個主席做，等佢學下嘢，佢話啲診所愈開愈多，叫個女去幫吓手，最多咪一星期幫一日！」女兒主要負責增聘醫生和人手安排，以及分店擴充事宜等等，並無沾手股份買賣，「加怡到而家，真係未買過股票呀！」
不過，隨着曹貴子近年變身「殼股玩家」，蔡志明經常被外界指為其「幕後金主」，為此他亦曾質問曹貴子，對方矢口否認，直至去年蔡志明得知曹貴子涉足的「殼股」太多，「「我個女喺康健都喊過兩次嚟搵我，攞埋人地啲信，話老竇你睇下，人哋儲咗500萬想結婚，諗住信我哋康健，買咗我哋啲股票，而家淨返50萬，話結婚結唔成，好陰公呀！」
此時，蔡志明經已意識到事件不尋常，一度欲公開與曹貴子劃清界線：「佢跪喺度，嚇死我！(話)蔡大哥，你一講我就死喇！」其後曹更答應蔡志明「有一日一定同我澄清」，「有一日……即係發咗達啦，咁呀而家咁(佢走咗佬)，即係永遠冇得澄清，變咗我咪要自己講囉！」
你敢爆，我敢獎！ 即Call《蘋果》24小時爆相爆片熱線：63836568
|
鍾意就快D Share啦！
|
|
|
