網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月25日 星期一

仲話夠開通!張繼聰要囡囡50歲先拍拖 __,繼聰,張繼聰,

張繼聰話要囡囡50歲先可以拍拖,唔係掛!藝人張繼聰(阿聰)趁着聖誕佳節出席商場聖誕活動,期間獻唱兩首歌曲炒熱現場氣氛,更親餵於遊戲中勝出的女Fans。 ...


張繼聰話要囡囡50歲先可以拍拖,唔係掛!


藝人張繼聰(阿聰)趁着聖誕佳節出席商場聖誕活動,期間獻唱兩首歌曲炒熱現場氣氛,更親餵於遊戲中勝出的女Fans。阿聰表示很感恩可於聖誕正日出活動,又指剛與太太謝安琪(Kay)及仔仔去日本旅行返港,他說:「本身淨係諗住同太太兩個去,點知就畀個仔偷聽到,咁就帶埋佢一齊去,仔仔細個嗰陣就唔鍾意行街,依家都會去吓主題樂園,又會周圍睇嘢,每日行一萬步咁,所以返到嚟好似Fit過之前。」

有新嘗試

阿聰指最近都留在家中,將於明年一月份會接拍電影、網劇這些新嘗試,又謂囡囡現時9個月大,有好多表情及反應:「成間屋都好有活力咁,隨住處境唔同,個心態都唔同,對比起以前我同女朋友拍拖唔一樣,早排揸車見到一班後生仔同兩個女仔一齊,差唔多想落車問佢幾多歲、查身份證,有同囡囡講聖誕節可以出去玩,但就要畀我識先。」阿聰還笑言自己夠開通,但囡囡要50歲先可以拍拖:「歲數可以傾嘅,但就唔好太後生。(仔仔去旅行嗰陣有冇扭你買嘢?)有呀,大個咗有自己Style,就似媽媽多啲,但佢就有小朋友獨有癖好,去飲都要着波衫,不過大時大節都會着好啲,Kay就好鍾意全家一隻色,今日(25日)佢哋都有Party,出門口嗰陣兩兄妹都着到小精靈咁,成身綠色,係幾開心,可能佢仲未好識,我諗佢係最後一年會咁着。」

Kay冇買聖誕禮物

問到會否再追多個?阿聰坦言不會:「生BB太太係最偉大,依家見佢都不停做運動,因為要出Event,兩個都夠晒數。(有冇交換聖誕禮物?)啱啱先醒起冇買,Kay又好似冇乜迹象側側膊咁,我都有問佢點解冇禮物,佢就會指住隔籬瞓喺度嘅BB,但我諗呢啲都要補番。」

阿聰稱心態上明顯有所不同的是平時去旅行都會襯衫:「唔想失禮香港人嘛,但最後日日都係羽絨、棉褲、波鞋咁,好似去旺角、做運動咁,覺得好舒服,完全冇問題咁,就諗起細嗰見到爸爸都係咁。(步入爸爸期?)咁我爸爸好型嘅,我都驚走偏咗,只係出活動會打扮吓,傭人姐姐都分得到我係咪出去做嘢。」

試仔仔口唔口密

提到台慶劇《跨世代》被劇透,有指阿聰飾演的角色是李佳芯(Ali)的孖生弟弟:「出咗就係㗎啦,屋企人成日都問劇情,我次次都老點佢哋,話我會死,而今次我淨係同咗仔仔講,想試吓佢守唔守到秘密,佢都話好想同人講,咗依家報道都出咗,佢都可以講。」阿聰又謂之後會跟Ali有多場對手戲:「最後係認得番屋企人,但同時又同七妹江嘉敏(Kaman)有感情線,咁就亂倫。(有好多網友都想做你咁被Kaman爬上身。)可以㗎,去公司搵佢。」更大讚對方是一位好演員,拍攝打鬥戲都好專業:「拍完之後嗰日,見佢唔單止貼咗膏藥布,仲瘀咗,但佢都唔會出聲。」


來源 source: http://hk.on.cc
鍾意就快D Share啦!