掃呢頁CODE去手機

2017年12月1日 星期五

【低調抗癌】67歲邵音音證實患癌:不停發,周身都係,係天生遺傳 __,邵音音,癌,

音音姐昨晚出席晚宴時,有感而發分享經歷,透露自己患上癌症。(微博圖片)67歲嘅邵音音曾經是一代性感艷星,近年活躍電影圈,拍過《春嬌救志明》、《全力扣殺 ...


音音姐昨晚出席晚宴時,有感而發分享經歷,透露自己患上癌症。 (微博圖片)

67歲嘅邵音音曾經是一代性感艷星,近年活躍電影圈,拍過《春嬌救志明》、《全力扣殺》、《低俗喜劇》等電影。今日阮兆祥喺商台《一圈圈》節目內,透露音音姐噚晚出席一個慈善晚宴時,有感而發分享經歷,透露自己患上癌症,但唔打算醫。不過佢好專業,仲有表場表演唱歌助慶。祥仔事後透過公關回覆﹕「吳麗珠搞嘅聖雅閣福群會,係關於胃癌慈善晚宴,音音姐講感受時,簡單講咗幾句,我知都得咁多。」

邵音音今日接受《蘋果》電話訪問時話:「我細細個十幾歲就發覺生癌,周身都係,係天生遺傳。」咁身體邊個部位先發病?她稱:「皮膚癌,我頸部做過好多手術,後來身體又有心臟病。」

至於可有接受治療?音音姐表示:「病咪去睇,不停發,依家除咗個腦冇。」她謂多年來一直低調抗癌,因為不想被煩:「我想避免人關心,大家問我,變咗好奇,好似想我快啲死。病人係唔想講情況,病人想忘記佢係病人,想開開心心。病人需要休息,噚晚開始大家係咁打嚟問,我唔鍾意人哋問,人都要堅強生存,多一日算一日。」

音音姐話分享生癌只係向病人發送正能量,佢話:「我唔想不停答去滿足大家好奇,我要瞓覺,要熄電話。」而音音姐喺去年與黃竣鋒到內地韶關出騷時,突然心絞痛送院急救(相關新聞﹕http://bit.ly/2AJsSr2),祝福音音姐保重身體,早日康復。



更多娛聞,喺晒《娛果》

http://fb.com/appledailyent


鍾意就快D Share啦!