掃呢頁CODE去手機

2017年12月1日 星期五

孫慧雪成功追欠薪:依家冇人夠膽拖我數 __,孫慧雪,

孫慧雪坦言佗住個肚開工會好辛苦,點都要追討欠薪。藝人孫慧雪誕下兒子「小饅頭」後首度公開亮相,在銅鑼灣出席韓國護膚品牌活動。孫慧雪最近在社交網爆出有公司 ...


孫慧雪坦言佗住個肚開工會好辛苦,點都要追討欠薪。


藝人孫慧雪誕下兒子「小饅頭」後首度公開亮相,在銅鑼灣出席韓國護膚品牌活動。孫慧雪最近在社交網爆出有公司拖欠她大肚時拍廣告的酬勞,她詳細講述事件:「之前已經收番五位數,後來睇番,其實喺我貼文兩個星期前已經過咗數畀我,因為合作過幾次佢哋有啲酬勞拖咗成年先畀,又一直聯絡唔到佢哋,咁先喺網上貼文講出呢件事,估唔到外間反應咁大,多謝網民。最好笑係貼文第二日突然收到好多間公司找數,總共有六位數字,佢哋問我係咪講緊佢。(做嘢唔係即刻出糧?)唔係,做嘢講個信字,等佢哋收到錢先再出畀我,依家冇人夠膽拖我數,有朋友講笑話叫我開追數公司,哈哈!(驚唔驚少咗人搵你做嘢?)唔會,其實唔係咁介意遲出糧,只係嗰陣佗住BB同佢做嘢,畀人拖數覺得好唔抵,都已經成九個月。(嗰間公司仲有冇搵你做嘢?)其實講得呢件事,都預咗唔再合作。」

餵人奶暫未收身

最近忙於湊BB的孫慧雪產後明顯未收身,有點圓潤,她說:「個仔前日啱啱四個月大,但佢好多嘢都識聽,好似見到我攞奶佢嘅反應就好大,仲大嗌奶奶,已經試過兩、三次,係真㗎。(開始瘦身減磅未?)依家餵緊人奶,所以仲未開始瘦身,希望可以畀BB多啲營養,過多兩個月先減。(趁未瘦身追多個?)唔會,驚到時減唔到,依傢已經肥咗廿幾磅,驚再生多個肥五十幾磅,到時真係減唔到,好享受湊BB,但係做媽媽好攰,好多嘢要擔心。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!