掃呢頁CODE去手機

2017年12月5日 星期二

【獨家】老爺劉漢華80大壽 陳伶俐Deep V孖老公到賀 __,陳伶俐,

現年40歲嘅陳伶俐,於2012年低調改嫁新加坡隱形富豪胡嘉烈後人劉頌銘,並於2014年7月為劉家誕男B;而陳伶俐老爺、身兼多項公職嘅劉漢華太平紳士今日 ...




現年40歲嘅陳伶俐,於2012年低調改嫁新加坡隱形富豪胡嘉烈後人劉頌銘,並於2014年7月為劉家誕男B;而陳伶俐老爺、身兼多項公職嘅劉漢華太平紳士今日假灣仔會展會議廳舉行壽宴,慶祝80大壽,現場有指示牌寫上「劉翁壽宴」,又標明係私人宴會,門外有保安,入場人士都要經邀請先可以入場。

場外設置咗紅襯金色、富中式風格嘅佈景板,好有喜慶氣氛,另有大投射燈打出「壽」字上牆身。就現場座位表所見,係冇4字頭或尾嘅枱號,連同主家席,一共擺咗73圍,主家席被8張枱包圍住,對正中間舞台。主家席上除咗有劉漢華同太太胡兆慧外,仲有陳伶俐同老公劉頌銘,劉頌銘舅父胡兆興及太太等合共15人。

陳伶俐着喱士袖、大V領低胸禮服賀老爺,佢老公劉頌銘好隆重,着套裝襯煲呔,而佢哋所生、現年3歲嘅囝囝就着咗白恤衫襯黑西褲,樣子醒目精靈,至於主角劉漢華着住一套金襯黑嘅西裝,太太胡兆慧就着咗件紅色晚禮服。現場麥玲玲同范振鋒做司儀,喺席間,劉漢華夫婦及劉頌銘陳伶俐一家三口上台,期間麥玲玲讚頌老爺做善事不遺餘力,值得表揚,台下賓客拍手。然後麥玲玲當然要耍兩吓自己啲「功夫」,贈咗主人家劉漢華兩句,講到「晚境無憂」,范振鋒聞言即笑說:「佢好早已經無憂㗎喇。」最後麥玲玲講咗啲吉利祝賀說話之後,劉漢華一家人就影大合照。陳伶俐喺台上全程拖實個仔,到影大合照時,劉頌銘主動抱起囝囝,好有默契。



更多娛聞,喺晒《娛果》

http://fb.com/appledailyent

(攝影:梁繼光、朱志聰) 劉漢華的壽宴會場,佈置極富中國傳統風格。 又有大型壽字
場內佈置有大量紅燈籠 麥玲玲(左三)及范振鋒(右)擔任司儀 劉頌銘主動抱起囝囝合照
劉漢華於2012年獲頒授銀紫荊星章 陳伶俐不時孖住老公,與老爺奶奶外出。

鍾意就快D Share啦!