前大律師林作近日對性侵事件持個人見解，不時在網上發表意見，外界對他見解反應不一。今日林作再透過社交網回應網友的提問，林作表示有見近年香港的法治意識愈來愈薄弱，明白只有法庭才可以作出審判，不論甚麼案件都需帶到法庭分曉，不是誰說有罪，便是有罪。最後，他指明白受到性侵受害人的痛苦，還爆出其媽媽「都係過（個）受害者」，媽媽亦曾向他分享過她的經歷。
林作發文：
我支持大家走出來。但不同意借助呢種事出黎（嚟）別有動機。我並唔係扭曲事實，而係作出我自己觀察事態嘅判斷 - 確實係有疑點。無論如何，香港近年法治意識越（愈）來越越（愈）薄弱，十分危險，希望你能以大局為重，明白只有法庭先可以審判。更加多嘅案件應該被帶至庭上見分曉，而唔係你話對方有罪就算。我唔係唔同情受傷害嘅女性。我願意同你分享，我自己媽媽都係過（個）受害者，而我呢世人最重要嘅人，就係媽媽。佢最近都有分享過佢嘅經歷，我實在十分明白嗰種痛苦。
我十分願意幫助有需要嘅受害人。或許我應該更公開地作出表示。我做過一段時間嘅大律師，自己也接觸過幾宗非禮案。我十分願意私下就個別案例分享自己見解。
林作接受東網訪問說：「我唔代表媽咪講嘢喇，你哋問佢，件事佢兩年前講畀我知，但冇仔細咁講，係佢最近見到報道，先再講，我感覺好深刻，意識到個問題好嚴重，啲人話我冇同情心，我覺得好唔舒服，因為我自己媽咪都有呢個經歷。」問到林媽媽發生甚麼事？他坦言是性侵犯：「發生嘅時候我都未出世，佢工作時同合作伙伴發生Indecent Assault，中文性侵犯，佢呢世都記得，我都感同身受。（佢當時有冇報警？）佢當時有站起來，有發聲，對方係有受罰，我好感動佢發聲，好支持佢。」提到會否怕被指抽水，他直言不是自爆：「係網民講我冇同情心，我先講呢件事。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
