唐詩詠帶新歡到賀？
無綫花旦唐詩詠與洪永城甩拖後，感情生活備受關注，前晚她出席吳志雄的60歲壽宴時，竟被發現有異性同行！詩詠堅稱是場美麗的誤會，坦言一切靜待緣分的安排。
資深藝人吳志雄60歲大壽，其家人於聖誕夜為他在尖沙咀一間酒店筵開30席宴請親友，圈中人包括蔡卓妍、唐詩詠、張文慈、泳兒、麥家琪及仔女、謝天華夫婦、許秋怡夫婦、梁烈唯、張達明、李璨琛、尹揚明、盧惠光、陳嘉桓、張建聲與女友陳嘉莉等到賀，場面熱鬧，而古天樂低調入場，未有拍照受訪。
詩詠到場時被發現有男伴在旁，正當大家以為她情路再開花，然而受訪時她解釋：「嗰個係志雄哥嘅工作人員。佢哋好貼心，搵人出嚟接我啫。」她揚言賀壽後會先離場：「趕住去陸永屋企開派對。（有乜玩？）玩佢啲女囉！（唔心急拍拖？）睇緣分啦，之前仲約咗成班單身嘅朋友食飯，有男又有女。（除夕呢？）有朋友約，但我想留喺屋企陪吓家人。」
自封綠葉王
壽星吳志雄穿梭招呼賓客，他表示本想低調慶生，但家人尤其太太話一定要搞。他的生日願望是世界和平，大家都開開心心。他透露身上綠葉圖案的西裝由太太訂製：「佢知我心意，我係電影界綠葉王。」
張文慈過肥年
另外，張文慈看似精神不錯，但她自爆已幾日冇瞓：「近排頻頻返內地做嘢，今朝仲入喜靈洲探訪男子戒毒所，傳道同唱聖詩。（過肥年？）哎吔，成年都係等呢啲日子咋。」問到送甚麼給壽星時，她笑言對方甚麼都有：「我都係畀利是實際啲。」
文：影視組
來源 source: http://orientaldaily.on.cc
|
鍾意就快D Share啦！
|
|
|