掃呢頁CODE去手機

2017年12月3日 星期日

【去咗邊?】樂壇失蹤人口逐個捉! __,

你又識唔識佢哋?時近年尾,又係各歌手出席樂壇頒獎禮等派成績表嘅緊張時刻,今年歌王、獎后得獎表就要等12月中開始先有,不過東網就有一份歌手「失縱人口」名 ...


你又識唔識佢哋?


時近年尾,又係各歌手出席樂壇頒獎禮等派成績表嘅緊張時刻,今年歌王、獎后得獎表就要等12月中開始先有,不過東網就有一份歌手「失縱人口」名單,齊齊時光倒光,回味吓大家曾經愛過、唱過,可惜未曾當紅已冇影的歌手們。

JC:

黎明自成立經理人公司後,分別捧過Janice(衛蘭)、Jill(衛詩)、Jance Man(文詠珊)、JW(王灝兒)這班「明字頭」的「J女郎」,可惜女生外向,有知名度後就無情起黎明飛腳全部閃走。不過「我心不死」的黎明又點會氣餒,黎明更不信「J」不吉利的宿命,在去年秘密簽了新人JC,而黎明再用捧衛蘭那招「聽聲唔見人」玩神秘,推出JC第一首歌《說散就散》,最多都是醒個側面大家睇,得黎明「點燈」當然不會太流,JC把聲被指似美國歌手Alicia Keys好好聽。

不過呢個世界邊有秘密,JC好快畀人起底,原來呢位今年只得19歲的「明日之星」個樣原來…,靚唔靚真係見仁見智,不過可說的是JC副尊容相當有特色,有對似蠟筆小新的濃眉,JC「靚」樣曝光後,黎明都唔再玩「收埋」,索性帶她做演唱會嘉賓,未正式出道的JC曾攞過「樂壇新勢力」獎項,只可惜攞完獎之後,本以為JC演藝事業開始起跑,不料又被「隱形」,黎明所思所想,真係估你唔到。

鍾一憲:

鍾一憲參加唱歌比賽得亞軍,於2010年正式出道,雖然不算最靚仔,但當年出道的他只得22歲就勝在夠嫩口,迷倒不少妹妹仔,他曾在新城攞過「勁爆新登場男歌手獎」。其代表作就是跟麥貝夷以情侶組合姿態唱《勾手指尾》,此歌非「玩手指」咁流,當時很受歡迎,網上點擊超過600萬,不過一憲可能以為自己做了「一哥」,少年得志開始語無倫次,要求多多扮巨星,結果同當年的經理人公司反目要搞到解約,他曾自稱向韓國發展,可惜雷聲大雨點少,攻韓失敗轉戰內地,喺大陸拍刻為主,香港就冇嘢撈。

A2A:

來自廣州的孖女組合A2A(前名AOA),由孿生姊妹吳燕珊(Annelle)及吳燕菁(Annice)於2012年成軍,兩姊妹大賣青春走偶像派路線,曾在網路上被封為「最靚雙胞胎」,美少女出道一年期間,曾推出過兩張唱片,可惜天生一副明星相卻無助其星運,新歌推出零反應,慘變成紙上明星。其後兩姊妹轉投另一個唱片公司,由AOA改為A2A,不過易名重新出發依然無氣息,人氣一日弱過一日,終於宣布「死亡」,消失於樂壇中。

張子丰:

張子丰有個開環星唱片公司的富爸爸張國林,於2013年出道時,望子成龍的張國林刻意在唱片公司開一條young line捧自己個仔做一哥,仲搵埋大仔張人丰做唱片公司副經理助細仔發展唱歌事業。曾在加拿大完成電影學位的子丰,不是沒有才華,只是他不算太靚仔,加上個性怕醜,在分秒必爭,見位要快攝上的娛樂圈,其「禮讓」的性格成他最「致命傷」。子丰出道至今,除攞過兩年新城頒獎禮的「安慰獎」外,及跟何雁詩傳過緋聞,其他音樂作品就似「出咗等如有出」一樣石沉大海,自知冇潛質在娛圈發展的子丰,低調淡出樂壇。

丁悅:

15歲就開始發歌星夢的丁悅,原為150磅的肥仔妹,但身形大,勇氣更大,就好似譚芷昀(Celine)妹妹一樣不停參加歌唱比賽。終於在2014年被她博到,得到唱片公司賞識簽約為旗下歌手,被安排翻唱經典英文歌出發燒碟過歌手癮。同時唱片公司要求丁悅減肥,結果戒肉只食菜的她,成功減了53磅肥膏,由肥女變索女後,唱片公司決定畀機會她唱流行曲,推出過兩張個唱唱片,還曾在灣仔藝術中心舉行過一連兩場音樂會,但是開騷無助人氣,玩了短短日子,就同唱片公司「分手」,之後沒有在圈中出現。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!