掃呢頁CODE去手機

2017年12月23日 星期六

擲百萬開樓上吧 莊思敏拉思明喪吹冧客 __,思明,莊思敏,莊思明,

莊思敏拉妹妹莊思明到有份投資的樓上吧巡場,喪吹冧客,成個夜生活女王咁款。於娛樂圈打滾多年的藝人莊思敏,先後投資過不同生意,次次都有聲有色,繼餐廳、自家 ...


莊思敏拉妹妹莊思明到有份投資的樓上吧巡場,喪吹冧客,成個夜生活女王咁款。


於娛樂圈打滾多年的藝人莊思敏,先後投資過不同生意,次次都有聲有色,繼餐廳、自家品牌護膚品及運動服後,最近搞埋酒吧,據悉,佢豪擲七位數於銅鑼灣耀華街開樓上酒吧,百足咁多爪!不過,面對呢塊黃金地,各色各樣嘅酒吧林立,乜嘢玩法都有,真係競爭好大㗎!莊思敏把心一橫,喺酒吧入面增設時興嘅拋乒乓波機同多功能遊戲枱,睇嚟有新意喎!

壞機吹水搞氣氛

酒吧於日前試業,莊思敏拉埋阿妹莊思明落場冧客,兩姊妹吸客力強!甫出現即引來客人歡呼,蜂擁上前集郵,佢哋當然畀足面照單全收,咁啱有一部遊戲機「跪低咗」,職員搶修期間,為免令客人失望,莊思敏即上前化身人肉吹水機,同客人喪吹,搞到笑聲滿酒吧。

莊思明隔空傳情

莊思敏趁勢轉陣,行過去另一部多功能遊戲枱前搞氣氛,職員向老闆娘細心解釋點玩,並拿出籌碼親讓她自落場試玩,見莊思敏愈玩愈興奮,其他客人亦唔執輸走過嚟觀戰,惟跟得妹妹思明玩完一輪過後把焦點落在手機上,喪打字偷偷笑,九成同男友楊明隔空傳情啦,但係莊思敏就繼續開行Turbo搞氣氛。

做老闆真係唔容易,見莊思敏滿場飛,不知不覺又走咗入調酒區睇場,仲用手機拍下擺設,跟住同類似主管嘅職員密密斟,搞咗一輪,又拉住調酒師傾酒單,開間吧都咁認真,唔通想做埋夜生活女王。

再戰江湖一條龍

之後,東網就此事聯絡莊思敏,她承認有份投資:「其實都係情意結嚟嘅,因為十幾年前我喺同一地方投資過酒吧,今次算係捲土從來囉!都係同班朋友夾份啫!未正式開業嘅,試業階段中。(投資咁多範疇,你頂得住?)樣樣都有啲唔好咩!都想一條龍服務㗎!(咁忙邊有時間拍拖?)又真係幾忙,不過拖梗係想拍,依家冇咪搵吓錢先,相信上天自會有安排。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!