鄭秀文(Sammi)早年拍完電影《長恨歌》後，曾患抑鬱症，情緒一度受困擾，最終憑信仰和朋友支持，Sammi才能釋放自己身心，慢慢康復。Sammi憑信仰 ...
鄭秀文(Sammi)早年拍完電影《長恨歌》後，曾患抑鬱症，情緒一度受困擾，最終憑信仰和朋友支持，Sammi才能釋放自己身心，慢慢康復。Sammi憑信仰走出陰霾，她亦希望自己嘅信仰能夠感染到身邊的人，今年1月，佢就見證咗80歲的父母洗禮儀式，日前佢再見證到自己嘅丈夫，即許志安嘅洗禮儀式。
今日下午，Sammi轉發咗老公許志安ig嘅一條短片，片入面係安仔正在接受宗教嘅洗禮儀式，Sammi留言：「#呢個是我人生中其中最最最最快樂嘅事 #呢種快樂深到不知如何形容。分享呢條片並不是要放甚麼閃，而是帶着最大的喜悅分享這個時刻。」Sammi提到原來該片係由佢親自操刀，佢話：「拍片時因為喊緊，手都震埋，所以條片拍得好差」。
Sammi再提到安仔今次洗禮嘅教堂，原來佢十年前都係呢個小池受浸：「mi十年前响呢個教堂呢個小水池受浸，十年後嘅12月17日安仔都在同一個小水池受到浸成為神的兒子，mi確實好感動 亦都好快樂，#呢種快樂是來自心靈上精神上和靈魂上的，#沒有其他快樂可以比擬。」一向感性嘅Sammi就話打到呢到，佢唔知點解已經淚流披面，但佢形容呢係喜悅和感恩嘅眼涙。
此外，Sammi話今次除咗安仔洗禮外，仲有好朋友雷頌德夫婦，而安仔嘅家人亦都有出席，有成三、四十人去見證安仔洗禮，佢話最感動係見到安仔70多歲嘅大哥大嫂都有嚟：「看到安仔的大哥大嫂，七十多歲，山長水遠也來，不太認識天父但也來，因為他們明白這個受浸對安仔來說很重要。還有安仔的二家姐的女兒，三哥三嫂，四家姐四兄，五哥五嫂，七嫂，八哥和九家姐九兄也到來見證，七哥已在去年因病逝世，但我相信他定必會為安仔受浸而喜悅，七哥雖離去，但從來沒有特定信仰的七嫂卻在天父的愛裏重新得力量，亦決定將來會受浸。」
更多娛聞，喺晒《娛果》
http://fb.com/appledailyent
