早前馬國明和黃心穎傳出分手，有指心穎嫌男友太悶，且又有富二代向她展開追求，至於馬國明曾回應跟心穎「不結就分」，惹人覺得這段兩年半情有暗湧。然而一切「情變」傳言終有「答案」，實情是馬國明、心穎仍然甜蜜蜜，趁平安夜佳節高調行街、消費、睇戲、直落共度美好時光。
做文青少女撥頭髮
約下午五時，馬國明一身樸素打扮現身九龍某大型商場，他身邊正是心穎BB，而心穎明知男神愛平實，故「女神」化身文青女，長髮、長裙、戴上平光眼鏡一副少女造型，兩人雖然全程沒有親熱舉動，連拖手仔也欠奉，但有男神在身邊，心穎已心滿意足。兩人孖住行時，心穎不時撥弄頭髮，又用心心眼望住男友，沿途有傾有講好有交流，真是幸福滿瀉。
齊睇旅行篋
兩人經過戲院後，似乎見電影未開場前，就爭取時間拍拖行街，他們先到鄰近的家品店打發時間，不過行了幾分鐘就離開，問馬國明是否平安夜跟心穎拍拖？馬國明十問九不知話：「冇嘢，唔知！（係咪睇戲？）唔知呀。」而心穎則自行彈開。之後兩人又走入書店及看旅行篋，未是是否有齊去旅行的打算？可能是講得甜言蜜語太多，要到咖啡店買飲品補充水分，兩人一人一杯，雖然馬國明想請客，但仍奉行AA制。
唔使男友畀錢
之後到服裝店睇男裝，心穎就睇中綠色V領開胸男裝毛衣，不夠五分鐘就決定付款埋單，而最值得讚是「自己鍾意、自己買」，馬國明可齋陪不用破費。
唔托粉絲手
在兩人逛商場期間，不少路人對這對「神級情侶」投注目禮，期間兩人巧遇一家三口朋友，五人傾講一輪後，馬國明見小男孩可愛更逗他玩，更有Fans要求集馬國明郵，而平易近人的他也統統答允，只是心穎次次也自行走開，不肯齊影大合照。在商場行完、買夠約二十分鐘後，兩人終於可以入戲院睇《星球大戰》，在映院內靜靜地享受一個平安夜窩心節目。
冧爆合照
睇完一齣西片後，兩人步出戲院，散場後便孖住歎日本菜。問馬國明可有送聖誕禮物給心穎，他笑晒表示：「唔話得你知啦。」而心穎也附和說：「梗係唔講得啦。」記者起哄叫馬國明拖實女友，他即一臉尷尬，但亦大方肩並肩企定合照，任影唔嬲，兩口子全程表現甜蜜。未幾，二人再度入戲院，睇另一齣戲，似乎想借佳節當前，高調晒愛證情未變。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
