張繼聰日前同仔仔踢波時唔小心扭傷腳趾尾仲骨裂添呀！
藝人張繼聰（阿聰）帶同兒子張瞻到沙田出席慈善跑活動，問到太太謝安琪及女兒未有同行，他說：「囡囡太細，未學行點學走？今日老婆照顧佢自己帶嗰仔嚟參加呢啲咁有意義嘅活動，趁2017年最後一日帶佢感受吓家庭樂。」他又透露日前與仔仔踢波時扭傷腳趾尾骨裂，笑言自己身上很多骨都裂過，都是慢慢康復。
陪屋企人家中倒數
提到今晚除夕夜，阿聰表示今晚會留在家中與家人倒數：「之前都喺工作中度過，所以就唔會出街，喺屋企靜靜咁睇吓電視，好似以前咁。（想多陪囡囡？）都係。佢出世之後拍戲同商演都會夾時間，希望盡量快番屋企。」
新一年專注拍戲
講到他有份主演的台慶劇《誇世代》，阿聰表示現在出街會有人叫他劇中的角色名，觀眾覺得劇情搞笑睇得開心，他說：「50集拍嘅時侯覺得拍好耐，做嘅時侯以為有排睇，點知貶吓眼差唔多做完，都有啲唔捨得，唔知幾時會再喺無綫見到我。」至於因其經理人公司與無綫有官司，他指自己私下與無綫關係仍然很好，高層給他很多機會。問到明年的工作安排，阿聰謂會將工作放在電影上，會拍攝一部中港合拍網劇，與未曾合作的演員合作，是一個新嘗試。
來源 source: http://hk.on.cc
|
鍾意就快D Share啦！
|
|
|
