掃呢頁CODE去手機

2017年12月13日 星期三

收起cool樣拍劇笑笑口 余文樂片場喪讚王棠云 __,王棠云,余文樂,

新劇由頭打到尾,雖然有替身唔使余文樂搵命搏,但一樣拍得辛苦,為拍外景成日周圍飛,喺埃及沙漠開工更加係折磨。但聽聞佢開工時一反常態,全程冇投訴仲成日笑瞇 ...




新劇由頭打到尾,雖然有替身唔使余文樂搵命搏,但一樣拍得辛苦,為拍外景成日周圍飛,喺埃及沙漠開工更加係折磨。但聽聞佢開工時一反常態,全程冇投訴仲成日笑瞇瞇,原來又係同老婆仔王棠云有關。

應該大家都知,樂仔開工多數好cool唔出聲,不過拍《衛斯理》就心情好到不得了,成日喺片場傾電話笑唔停,又同大家講王棠云同佢好夾、拍拖好開心。當時無人知佢計劃結婚,見佢日日咁樣放閃法,就連任達華都催佢快啲結婚,點知佢真係靜雞雞籌備。

王棠云旺樂仔,拍拖之後接拍網劇賺大錢,其實呢套劇都帶契其他藝人賺唔少。Janice Man近年喺內地發展唔錯,今次只拍12集都有700萬酬勞。深知網劇市場大,就連拍開電影嘅林家棟同文凱玲都接拍電視劇。另外伍允龍喺新劇飾演原振俠,向來身手了得嘅佢今次可以抖抖氣,一樣用替身。而白素則由胡然飾演,佢同樂仔合作過幾部戲,今次做情侶應該係「熟能生巧」。

相關新聞:

婚前搵錢 余文樂拍王晶袋5000萬

http://bit.ly/2jS3Agt
胡然飾演白素
埃及拍攝熱辣辣

鍾意就快D Share啦!